Gujarati News

Gujarati News

News of Thursday, 24th September 2020

ઉના જેલમાં હત્યા અને અપહરણના આરોપીને તમામ સુવિધા અંગે તપાસ કરી પગલા લેવા માંગણી

અમીત જેઠવા હત્યા કેસના સાક્ષી ધમેન્દ્રભાઇ ગોસ્વામી દ્વારા ડીજીપીને રજૂઆત

(નીરવ ગઢિયા દ્વારા) ઉના, તા.ર૪: ચકચારી અમીત જેઠવા હત્યા કેસના સાક્ષી અને અહેમદપુર માંડવીના રહેવાસી ધર્મેન્દ્રભાઇ બી. ગોસ્વામીએ ડીજીપી ગાંધીનગરને લેખિત રજૂઆત કરીને હત્યા અને અપહરણના ગુન્હાના આરોપી અને હાલ ઉના જેલમાં રહેલ ઉસ્માન મોહમદ હુસેન કાજીને જેલમાં તમામ મળતી સુવિધા અંગે તપાસ કરી પગલા લેવા માંગણી કરી છે.

ડીજીપીને રજુઆતમાં ધર્મેન્દ્રભાઇ ગોસ્વામીએ જણાવેલ કે હાલ ઉના જેલમાં રહેલ આરોપી ઉસ્માન મોહમદ હુસેન કાજીને તેને આચરેલા ગુન્હા સબબ નાર્કોટેસ્ટ માટે ગાંધીનગર લઇ જવામાં આવેલ ત્યારે ર કોન્સ્ટેબલ અને એક હેડ કોન્સ્ટેબલ સાથે ગયેલ, પરંતુ કોઇપણ યુનિફોર્મ કે જાપ્તાના નિયમ પાળેલ નથી  અને સરકારી ગાડીનો ઉપયોગ કરેલ નથી. ગેરકાયદેર સુવિધા સાથે આરોપીને ગાંધીનગર નાર્કોટેસ્ટ માટે લઇ ગયેલ. આરોપી ઉસ્માન મોહમદ હુસેન કાજી ભૂતકાળમાં રાજયમંત્રી પુરૂષોતમભાઇ સોલંકીના જમાઇ અને ઉના પાલિકાના સભ્યનું સને ર૦૦૭માં ખુન કરેલ હતું.

ડીજીપીને રજુઆતમાં ધર્મેન્દ્રભાઇ ગોસ્વામીએ જણાવેલ કે આરોપી ઉસ્માન મોહમદ હુસેન કાજી મારા પુત્રનું પણ ભૂતકાળમાં અપહરણ કરી ગયેલ હતો. આરોપીને જેલમાં તમામ સુવિધા અપાતી હોય તેની તપાસ કરી પગલા લેવા માંગણી કરવામાં આવી છે.

(11:49 am IST)
  • નોબલ પારિતોષિક માટે હવે પુતીનનું નામ નોમિનેટ થયું: ડોનાલ્ડ ટ્રમ્પ પછી હવે રશિયન પ્રમુખ વ્લાદિમીર પુતીનનું નામ નોબલ શાંતિ પારિતોષિક માટે નોમિનેટ કરવામાં આવ્યું છે. જોકે ક્રેમલીને જાહેર કર્યું છે કે અમે પુતિનનું નામ નોમિનેટ કરેલ નથી. access_time 12:17 am IST

  • બુમ બુમ બુમરાહ :બુમરાહે ગઈકાલે તેની પહેલી ૩ ઓવરમાં ફકત પાંચ રન આપીને રસેલ અને મોર્ગન જેવી મોટી વિકેટ આપી હતી. જો કે તેની ચોથી ઓવરમાં કમીન્સે ચાર સિકસર સાથે ૨૭ રન ઝૂડી કાઢ્યા હતા. access_time 2:51 pm IST

  • પાકિસ્તાનના ઇસ્લામાબાદથી પશ્ચિમમાં 4૦ કિલોમીટરે આજે સાવરે 5.46 વાગ્યે (IST) 4.6 ની તીવ્રતાનો ભૂકંપનો આંચકો આવ્યો અને અફઘાનિસ્તાનના કાબુલથી ઉત્તર પૂર્વમાં 237 કી.મી. ના અંતરે 4.3 ની તીવ્રતાનો ધરતીકંપ નોંધાયો : રાષ્ટ્રીય સિસ્મોલોજી કેન્દ્ર access_time 8:39 am IST