Gujarati News

Gujarati News

News of Thursday, 24th September 2020

યોગેન્દ્રસિંહજી રાજાબાવા સહિતના આગેવાનો સરકારી ગાઇડલાઇન મુજબ ધાર્મિકવિધિ કરી શકશે

માતાના મઢ આશાપુરા માતાજી મંદિરે ધાર્મિક વિધિઓનું સવારે ૫ થી ૧ અને બપોરે ૩ થી ૯ સુધી ઓનલાઇન દર્શન : ભાવિકો નિહાળી શકશે

(વિનોદ ગાલા દ્વારા) ભુજ તા. ૨૪ : કચ્છ જિલ્લામાં કોરોના મહામારીની વધતી અસર નવરાત્રિની ધાર્મિક ઉજવણી પર પણ પડી છે. ગઈકાલે દયાપર મધ્યે નખત્રાણા પ્રાંત અધિકારી પ્રવિણસિંહ જેતાવતની ઉપસ્થિતિમા બેઠક મળી હતી. જેમાં માતાના મઢ ટ્રસ્ટના પ્રવિણસિંહ વાઢેર, ખેંગારજી જાડેજા, માતાના મઢના સરપંચ સુરેન્દ્રસિંહ જાડેજા, લખપત મામલતદાર અનિલ સોલંકી, તાલુકા વિકાસ અધિકારી મયુર બાલોટીયા અને અન્ય આગેવાનોની હાજરીમા માતાના મઢનું મંદિર કોરોનાની પ્રવર્તમાન પરિસ્થિતિને ધ્યાને લઈને નવરાત્રિ દરમ્યાન દર્શનાર્થીઓ માટે બંધ રાખવાનો નિર્ણય કરાયો હતો.

ઘટ સ્થાપન સહિતની પરંપરાગત ધાર્મિક વિધિઓ અને આરતી દરમ્યાન જ મંદિર ખુલશે. પણ, તેમાં દર્શનાર્થીઓને પ્રવેશ નહી મળે. પુજા વિધિ કરનાર પુજારી પરિવાર ઉપરાંત પરંપરા અનુસાર જાગીરના અધ્યક્ષ યોગેન્દ્ર્સિંહજી રાજાબાવા સહિતના મહાનુભાવો કોવિડ ગાઈડ લાઈન અનુસાર ધાર્મિક વિધિ કરી શકશે. મંદિર બંધ રહેશે તે દરમ્યાન દરરોજ સવારે ૫ થી બપોરે ૧ વાગ્યા સુધી, બપોરે ૩ થી રાત્રે ૯ વાગ્યા સુધી દર્શન સાથે આરતી તેમજ પરંપરાગત ધાર્મિક વિધિઓનું www.matanamadh.org  યુ ટ્યુબના માધ્યમથી લાઈવ પ્રસારણ થશે. માઈ ભકતોને ઓન લાઈન દર્શન કરવા અપીલ કરાઈ છે.

(11:28 am IST)
  • નોબલ પારિતોષિક માટે હવે પુતીનનું નામ નોમિનેટ થયું: ડોનાલ્ડ ટ્રમ્પ પછી હવે રશિયન પ્રમુખ વ્લાદિમીર પુતીનનું નામ નોબલ શાંતિ પારિતોષિક માટે નોમિનેટ કરવામાં આવ્યું છે. જોકે ક્રેમલીને જાહેર કર્યું છે કે અમે પુતિનનું નામ નોમિનેટ કરેલ નથી. access_time 12:17 am IST

  • સુશાંતસિંહ રાજપૂત કેસ : બોલીબુડમાં હળકંપ : સુશાંતસિંહ રાજપૂતની ભૂતપૂર્વ ટેલેન્ટ મેનેજર, જયા સહા, જેમને નાર્કોટિક્સ કંટ્રોલ બ્યુરો દ્વારા બોલીવુડમાં કથિત ડ્રગ્સ નેક્સસ સાથે જોડાણ અંગે પૂછપરછ કરવામાં આવી રહી છે, તેની પૂછતાજમાં વધુ 4 મોટા ગજાના એ-લિસ્ટર હીરોના નામ જણાવ્યા છે તેમ આધારભૂત સૂત્રોમથી જાણવા મળે છે. ટૂંક સમયમાં NCB આ એક્ટરોને પૂછપરજ માટે બોલાવી શકે છે access_time 9:48 am IST

  • દેશમાં કોરોના કેસનો આંકડો 57 લાખને પાર પહોંચ્યો : રાત્રે 10 વાગ્યા સુધીમાં નવા 58 હજારથી વધુ કેસ ઉમેરાયા :નવા કેસ કરતા સ્વસ્થ થનારની સંખ્યામાં સતત વધારો access_time 10:22 pm IST