Gujarati News

Gujarati News

News of Thursday, 24th September 2020

ભુજમાં કોરોના પોઝીટીવ દર્દીના ઘરમાંથી 82 હજારની માલમત્તાની ચોરીથી ચકચાર

ભુજઃ ભુજની રાવલવાડી રીલોકેશન સાઈટ નજીક રઘુવંશીનગરમાં રહેતા કોરોનાગ્રસ્ત દર્દીના ઘરમાં ચોરી થતાં પોલીસ તંત્ર મુંઝવણમાં મુકાઈ ગયું છે. ચોરીનો બનાવ ગત રાત્રે 3.30 વાગ્યાથી સવારે 7 કલાકના અરસામાં બન્યો હતો. કતિરા કન્સ્ટ્રક્શન પેઢી સાથે જોડાયેલાં 52 વર્ષિય ગિરધરભાઈ ઠક્કરના ધર્મપત્ની કોરોના પોઝીટીવ છે.તેમના પત્ની ઉપરના રૂમમાં આઈસોલેટ થયાં છે જ્યારે પત્ની સાથેના ક્લોઝ કોન્ટેક્ટના લીધે ગિરધરભાઈ નીચેના રૂમમાં આઈસોલેટ થયેલાં છે. ગત મધરાત્રે ગિરધરભાઈ જે રૂમમાં સૂતા હતા તે રૂમની સ્ટોપરને જોરથી ધક્કો મારી વાળી દઈ તસ્કર પ્રવેશ્યો હતો. તેણે ગિરધરભાઈ અને તેમના પત્નીના પર્સમાં રહેલી 15 હજારની રોકડ રકમ, સોનાનું બે તોલાનું બ્રેસલેટ, બે કિંમતી રીસ્ટવૉચ વગેરે મળી 82 હજારની માલમત્તાની ચોરી કરી હતી. ઘટના અંગે ઘનશ્યામભાઈના ભાઈ દિપેશ ઠક્કરે ભુજ એ ડિવિઝન પોલીસ મથકે અજાણ્યા તસ્કર સામે ફરિયાદ નોંધાવી છે.

(10:18 pm IST)
  • કાશ્મીરના પૂર્વ મુખ્યમંત્રી ફારુખ અબ્દુલ્લાનું વિવાદાસ્પદ વિધાન : કાશ્મીરના લોકો પોતાને ભારતીય ગણતા નથી : કાશ્મીર ઉપર ચીનનું શાસન આવે તેવી કાશ્મીરી પ્રજાજનોની ઈચ્છા હોવાનું જણાવ્યું access_time 1:47 pm IST

  • શેરબજારઃ સેન્સેક્સ અને નિફ્ટીમાં મોટો કડાકો, સેન્સેક્સમાં 1147 પોઇન્ટનો ઘટાડો અને નિફ્ટી 337 પોઇન્ટ તુટી, વૈશ્વિક બજારોમાં નરમાઇની ભારતીય બજારમાં અસર, નિફ્ટી 17 જુલાઇ બાદ 10,800ની નીચે જોવા મળી access_time 4:28 pm IST

  • 2 લાખ જેટલા વિદ્યાર્થીઓ માટે રાહતના સમાચારઃ ધો-12ની પૂરક પરીક્ષાને લઇ CBSEનું કોર્ટમાં નિવેદન, પરિણામ 10 ઓક્ટોબર સુધીમાં આવશે, 31 ઓક્ટોબર સુધી કોલેજમાં એડમિશન લઇ શકાશે access_time 4:26 pm IST