Gujarati News

જૂનાગઢ તા.૨૧ : જૂનાગઢ મનપાની સ્થાયી સમિતિની બેઠકમાં શહેરના મુખ્યમાર્ગો પર પેચવર્કની કામગીરી આગામી નવરાત્રી ઉત્સવ પ્રાચીન ગરબી મંડળોને ગરબીના ચોક બનાવવા માટે પ થેલી સિમેન્ટ વિકલ્પે ગ્રીટનુ ટ્રેકટર આપવાનો નિર્ણય આશરે ૨.૬૨ કરોડના ખર્ચે ખેલમહાકુંભમાં ઉપયોગમાં લઇ શકાય તેવી કક્ષાનો સુવિધાસભર અને હયાત સ્વીમીંગપુલને આધુનીક તથા ઓલમ્પીક સાઇઝનો તૈયાર સહિતના વિકાસ કામો મંજુર કરાયા છે.

જૂનાગઢ મનપાના સ્થાયી સમિતિની બેઠકમાં ચેરમેન રાકેશભાઇ ધુલેશીયા, મા.નાયબ કમિ. નંદાણીયા, સદસ્યશ્રીઓ શશીકાંતભાઇ ભીમાણી, ગીરીશભાઇ કોટેચા, મહેન્દ્રભાઇ મશરૂ, સંજયભાઇ કોરડીયા, બાલાભાઇ રાડા, પુનીતભાઇ શર્મા, હરેશભાઇ પરસાણા, કિરીટભાઇ ભીંભા, શિલ્પાબેન જોશી, સરલાબેન સોઢા સહિતના ઉપસ્થિતીનીમાં મળી હતી. જયારે સંકલન સમિતિની બેઠકમાં મેયર ધીરૂભાઇ ગોહેલ, ડે.મેયર હિમાંશુભાઇ પંડયા, શાસકપક્ષના નેતા નટુભાઇ પટોળીયા તેમજ દંડક ધરમણભાઇ ડાંગર ઉપસ્થિત રહ્યા હતા.

જૂનાગઢ મનપા વિસ્તારમાં આવેલ શાળા કોલેજો યુનિ.ના વિદ્યાર્થીઓને આવકારી સરકારી કામકાજનો અનુભવ મળે તેમજ કોઇપણ ચાર્જ સ્ટાઇપેન્ડ વગર તેઓની સેવાને આવકારી પારદર્શીતા લાવવા માટે પ્રયાસો હાથ ધરાશે તે બદલ ભાગ લેનાર વિદ્યાર્થીઓને પ્રમાણપત્ર અપાશે.

જૂનાગઢ મનપા વિસ્તારમાં આવેલ વિવિધ વિસ્તારની તમામ પ્રાચીન ગરબીઓને પરંપરાગત રીતે ચોક ગરબીનો ઓટો બનાવવા પ થેલી સિમેન્ટ વિકલ્પે ગ્રીટનુ ટ્રેકટર અપાશેે. જૂનાગઢ મહાનગર વિસ્તારમાં રૂ.૨.૬૨ કરોડના ખર્ચે આધુનીક સ્વીમીંગપુલ કે જેમા જીમ્નેશીયમ, યોગાપાર્ક પાર્કિંગ, ઓલમ્પીક સાઇઝનો મલ્ટીફંકશન ઓપન સ્પેશ કમ ગાર્ડન તથા વોટર ફીલ્ટર પ્લાન્ટ સાથે નવા સ્વાંગથી તૈયાર કરવા આશરે રૂ.૨.૬૨ કરોડના ખર્ચે સૈધ્ધાંતીક મંજૂરી આપેલ છે.

જૂનાગઢ શહેરમાં મનપાના હદ વિસ્તારથી ૩૦ કીમી ત્રિજયા સુધીમાં સીએનજી પંપ ન હોઇ જેથી ડીઝલ બસો કે જે ૯૬ બસો મંજુર થઇ હોય તે અંતર્ગતની ટેન્ડરીંગની શરતોને આજરોજની બેઠકમાં મંજુર કરાઇ છે.

અમૃતમ સ્કિમ અંતર્ગત મહાનગરના આદિત્યનગરના તથા અન્ય વિસ્તારોમાં ૬.૪ લાખ લીટરના અન્ડરગ્રાનઉન્ડ સંપ વીથ પંપ હાઉસ, કંપાઉન્ડવોલ તથા આનુષાંગીક મશીનરી માટેની કામગીરી માટે રૂ. ૮૧ લાખના ખર્ચને મંજુરી મળી છે.

જૂનાગઢ શહેરના મુખ્ય માર્ગો તેમજ પીજીવીસીએલ ટેલીફોનીક વિભાગ તથા મનપાની કામગીરી દરમિયાન તૂટેલા માર્ગોના દુરસ્તી કારણ તથા મરામત તેમજ પેચવર્ક સત્વરે હાથ ધરવા માટે આજરોજની બેઠકમાં રૂ.ે૬.૫૦ કરોડની ટેન્ડરીંગ પ્રક્રિયા સહિતની દરખાસ્તોને સ્ટેન્ડીંગ કમીટીની બેઠકમાં લીલીઝંડી અપાઇ છે.