Gujarati News

(ભુજ) ભારત પાકીસ્તાન વચ્ચે ચાલતી તંગ પરિસ્થિતિ દરમ્યાન હરામીનાળા પાસે બે બિનવારસુ બોટ મળી આવતાં સુરક્ષા એજન્સીઓ દોડતી થઈ ગઈ છે. બીએસએફના સૂત્રોના જણાવ્યા પ્રમાણે આ બન્ને બોટ પાકિસ્તાની છે, અને તે ત્યજાયેલી હાલતમાં હતી. જોકે, આ  ઘટનાને પગલે બીએસએફ મરીન બટાલિયન દ્વારા હરામીનાળાના ક્રિક વિસ્તારમાં તેમ જ જખૌ પાસેના દરિયામાં સર્ચ ઓપરેશન શરૂ કરાયું છે. જોકે, પ્રથમ દ્રષ્ટિએ તો બોટ માછીમારોની લાગે છે. પણ, આતંકવાદીઓની ઘૂસણખોરીના ઇનપુટના સમાચારોને પગલે તમામ ભારતીય એજન્સીઓ સાબદી છે.