Gujarati News

(વિનુ જોષી દ્વારા) જુનાગઢ તા. ર૪ : જુનાગઢ જીલ્લાના ભેંસાણ તાલુકાના ભાવિકોના અસ્થાના પ્રતિક પરબધામ ખાતે આ વર્ષે અષાઢી બીજનો મેળો કોરોનાના કારણે રદ કરવાનો નિર્ણય લેવાયો છે.

પરબધામના પૂ. કરશનદાસબાપુની અધ્યક્ષતામાં આજે સેવક સમુદાયની મળેલી મિટીંગમાં સર્વાનુ મતે આ મેળો રદ કરવાનો નિર્ણય લેવાયો છે.

કેન્દ્ર અને રાજય સરકારની ગાઇડલાઇન તથા તંત્રના આદેશથી ભાવિકોની ભીડ એકત્ર ન થાય તે માટે આ નિર્ણય લેવાયો છે.

અષાઢીબિજ નિમિતે પરંપરા મુજબ પ્રતિકાત્મક પૂજન-અર્ચન સાથેની મંદિરની અંદરની તમામ વિધી ચાલુ રહેશે.જેમા ભાવિકોને પ્રવેશ અપાશે નહી.