Gujarati News

Gujarati News

News of Monday, 24th June 2019

ચોટીલાના દેવચરના નાગરભાઇ કોળીનું છકડો પલ્ટી જતાં મોત

રાજકોટ તા. ૨૪: ચોટીલાના દેવચર ગામના નાગરભાઇ સામતભાઇ દેત્રોજા (કોળી) (ઉ.૫૦)નું છકડો રિક્ષાના અકસ્માતમાં ઇજા થતાં મોત નિપજતાં પરિવારમાં અરેરાટી વ્યાપી ગઇ છે.

નાગરભાઇ દેત્રોજા તા. ૨૦/૬ના સવારે છકડામાં બેસી પોતાના ગામથી થાન તરફ મજૂરીએ જતાં હતાં ત્યારે ચોટીલા રોડ ગુગલીયાળાના પાટીયે રિક્ષા પલ્ટી મારી જતાં તેના સહિત બીજા મજૂરોને ઇજા થઇ હતી. તેમને માથા-શરીરે-મોઢા પર ગંભીર ઇજા પહોંચી હોઇ સારવાર માટે રાજકોટ સિવિલમાં ખસેડાયા હતાં. અહિ ગઇકાલે દમ તોડી દીધો હતો.

મૃત્યુ પામનાર નાગરભાઇ બે ભાઇ અને ત્રણ બહેનમાં મોટા હતાં. સંતાનમાં બે પુત્ર અને બે પુત્રી છે. બનાવથી પરિવારમાં ગમગીની છવાઇ ગઇ હતી.

(12:13 pm IST)
  • ઇન્ટરપોલે આઇએમએ જવેલર્સના સ્થાપક મંસૂર ખાન વિરુદ્ધ બ્લુ કોર્નર નોટિસ જાહેર કરી :મંસૂરખાન પર કરોડોની છેતરપિંડીઓ આરોપ છે access_time 12:52 am IST

  • ઇન્ડોનેશીયામાં ૭.પની તીવ્રતાનો ભૂકંપ : સુનામીની ચેતવણી નથી access_time 11:40 am IST

  • રાજયમાં અનેક જિલ્લામાં મેઘસવારીઃ રવલ્લી,દાહોદ અને કચ્છ જિલ્લામાં વરસાદ અરવલ્લીના મોડાસા, ડુગરપાડા અન અમલાઇમાં ભારે વરસાદઃ દાહોદ, ઝાલોદ અને લિમડીમાં અને કચ્છના નખત્રાણામાં ગાજવીજ સાથે વરસાદ access_time 5:45 pm IST