Gujarati News

Gujarati News

News of Monday, 24th June 2019

સરકારી-જમીનમાં ખુલ્લા પ્લોટના કબ્જા માટે ખુની ખેલ ખેલાયોઃ આરોપી કૌટુંબીક ભાણેજ

પોલિસની પ્રાથમીક તપાસમાં બહાર આવતી વિગતો

 આટકોટ તા.૨૪: બોટાદમાં ગઇ કાલે થયેલ પીતા-પુત્રની બેવડી હત્યામાં સરકારી પ્લોટમાં ગેરકાયદેસર કરેલ પેશકદમીના લીધે બની હોવાનું પોલીસની પ્રાથમિક તપાસમાં ખુલવા પામ્યુ હોવાનુ પોલીસે જણાવ્યું હતું.

આ અંગે પ્રાપ્ત વિગતો મુજબ સરકારી ખુલ્લી જગ્યામાં પ્લોટમાં કબ્જા બાબતે અગાઉ પણ બોલાચાલી થઇ હતી પરંતુ હત્યારો કૌટુંબીક ભાણેજ થતો હોય બંને પક્ષોએ સમાધાન થઇ જતુ હતુ.

ગઇ કાલે ફરી આ અંગે બોલાચાલી થતા જાવેદ ગુલમહમંદ જાખરાએ ઉશ્કેરાઇ જઇ પિતા પુત્ર ઉપર આડેધડ છરીના ઘા મારી દેતા બંનેના મોત થયા હતા જયારે સલમાને ગંભીર ઇજા થઇ હતી.

જો કે મરણ જનારને જેની સાથે બોલાચાલીનો વેવાર નહોતો ત્યાં પણ આરોપી કામે જતો હોય એ બાબતે પણ કયારેક બોલાચાલી થઇ હોવાનું પોલીસ તપાસમાં બહાર આવ્યુ છે.

આરોપી પાસેથી હાલ પોલિસે ગુનામાં વપરાયેલ છરી સહિતનો મુદામાલ કબ્જે કરવા તજવીજ હાથ ધરી છે. બાદ વધુ તપાસ માટે રિમાન્ડની માંગણી સાથે આવતી કાલે કોર્ટમાં રજુ કરાશે.

આ ઘટનાની જાણ થતા બોટાદ એસ.પી., એસ.ઓ.જી, એલ.સી.બી. પી.આઇ ગૌસ્વામી સહિતનો પોલીસ સ્ટાફ ઘટના સ્થળે દોડી જઇ ચુસ્ત બંદોબસ્ત ગોઠવી દીધો હતો.

(12:03 pm IST)
  • રાજયસભાની ચૂંટણીના ૫ સંભવિત ઉમેદવારોની યાદી તૈયાર મનીષ દોશી, બાબુભાઈ પટેલ, ચંદ્રિકાબેન ચુડાસમા સહિત ૫ નામો ઉપર કોંગ્રેસના ધારાસભ્યો કરશે મંથન access_time 5:39 pm IST

  • મનોજ તિવારીને ધમકી આપનાર શખ્શની ધરપકડ :આરોપીએ પ્રખ્યાત થવા ધમકી આપ્યાનું રતન :દિલ્હી ભાજપના પ્રમુખ ને ઉત્તર-પૂર્વ દિલ્હીના સાંસદ મનોજ તિવારીને જાનથી મારી નાખવાની ધમકી આપવાના આરોપસર વિશ્વજીત નામના શખ્શને ઝડપી લેવાયો access_time 12:50 am IST

  • ઇન્ડિગોની ફ્લાઈટમાં મુસાફરે પ્લેનનો દરવાજો ખોલવા કર્યો પ્રયાસ :ઇમર્જન્સી લેન્ડિંગ બાદ પોલીસને સોંપ્યો :પોલીસ અધિકારી મુજબ યાત્રી ચાલુ વિમાને દરવાજો ખોલવાનો પ્રયાસ કરતો હતો :યાત્રીને ઉતારી મુક્યા બાદ ભુવનેશ્વરની કેપિટલ હોસ્પિટલે લઇ જવાયો ; હૈદરાબાદથી ગુવાહાટી જતી ફ્લાઈટમાં બન્યો બનાવ. access_time 12:49 am IST