Gujarati News

પોરબંદર : પોરબંદર પંથકમાં માધુપુરથી મીયાણી સુધીના દરિયાઇ પટ્ટી પર બેફામ રેતી ચોરીની પ્રવૃત્તિ થઇ રહી છે.

આ રેતી ચોરી અટકાવવા વન વિભાગની ટુકડીએ ગઇકાલે દરોડો પાડતા રેતી ચોર ટોળકી એક સમયે ભાગી છુટવા પ્રયાસ કરેલ.

આ ઉપરાંત રેતી ચોર ટોળકીના સભ્યોએ વનવિભાગની ટીમના માણસો સાથે ઝપાઝપી કરી નાસી ગયેલ.

રેતી ચોરો વન વિભાગની કડકાઇ જોઇને તેના ડમ્પર-જેસીબી મશીન સહિતના વાહનો મુકીને નાસી જવામાં સફળ રહેલ.

વનવિભાગના અધિકારીએ ઉપરોકત અજાણ્યા શખ્સો સામે મીયાણી મરીન પોલીસ સ્ટેશનમાં ફરજમાં રૂકાવટ ઉપરાંત સરકારી ખનીજ ચોરીની ફરીયાદ નોંધાવી છે.