Gujarati News

રાજકોટ તા ૨૪  :  ગોંડલના દેરડી કુંભાજી ગામમાં રહેતી પટેલ યુવતીએ ઝેરી દવાપી લેતા તેનું રાજકોટની ખાનગી હોસ્પિટલમાં સારવાર દરમ્યાન મોત નિપજયું હતું.

મળતી વિગત મુજબ દેરડી કુંભાજી ગામમાં રહેતી ભાવના જયંતીભાઇ જાગાણી (ઉ.વ.૩૦) એ પોતાના ઘરે ઝેરી દવા પી લેતા તેને સારવાર માટે રાજકોટની ગીરીરાજ હોસ્પિટલમાં ખસેડાઇ હતી, ત્યાં તેનું સારવાર દરમ્યાન મોત નિપજયું હતું. મૃતક ભાવનાના પિતા ખેતી કરે છે, તે એક ભાઇ અને એક બહેનમાં નાની હતી. તેના લગ્ન થતા ન હોઇ ટેન્શનમાં આ પગલું ભર્યુ હોવાનુ પોલીસની પ્રાથમીક તપાસમાં ખુલ્યું છે. આ અંગે તાલુકા પોલીસ મથકના એ.એસ.આઇ. અજીતસિંહ તથા રાઇટર રિતેષભાઇ પટેલે પ્રાથમિક કાગળો કરી ગોંડલ મોકલવા તજવીજ હાથ ધરી છે.