Gujarati News

પેન્શનર અને સીનીયર સીટીઝનોને હૈયાતીની ખરાઇની કાર્યવાહીમાં તકફલી વેઠવી ન પડે તે માટે માંગરોળ તાલુકા પેન્શનર સમાજ દ્વારા હૈયાતીની ખરાઇ બેન્કને બદલે પેન્શનર સમાજના કાર્યાલયમાં કરી આપી સરાહનીય કાર્ય હાથ ધરાયુ હતુ. પ્રમુખ જેઠાભાઇ નંદાણીયાની રાહદોરીમાં થયેલ આ પ્રક્રિયામાં સ્ટેટ બેન્ક ઓફ ઇન્ડિયાની માંગરોળ શાખાના ચીફ મેનેજર શ્રી ભટ્ટ અને સ્ટાફગણે ઉપસ્થિત રહી કામગીરીને હળવી બનાવી દીધી હતી. આ તકે સત્સંગી સેવક અને પેન્શનર સમાજના પ્રચાર મંત્રી મનસુખભાઇ એમ. પરમારે બેન્ક અધિકારીઓ સહીતના ૧૧ આગેવાનોને પ્રસાદની થેલી અર્પણ કરી હતી. સભાનું સંચાલન અને અંતમાં આભારદર્શન મંત્રી વિરંચી શુકલે કરેલ.