Gujarati News

Gujarati News

News of Wednesday, 24th April 2019

બેલજીયમથી મતદાન કરવા વતન આવી ભુજની યુવતી

ચૂંટણી એ લોકશાહીનો ઉત્સવ છે અને મતદાન દ્વારા લોકોએ ચૂંટણીની ઉજવણી કરવી જોઈએ. મતદાન તરફ નિરૂત્સાહ દાખવતા મતદારો વચ્ચે મતદાન તરફ જાગૃતિ દાખવતા મતદારો પણ છે. ભુજની યુવતી કરિશ્મા રશ્મિકાંત પડ્યા લોકસભાની ચૂંટણી માટે મતદાન કરવા ખાસ બેલજીયમ થી ભુજ આવી હતી.

આઇટી પ્રોફેશનલ્સ કરિશ્મા ઘણા વર્ષો થયા બેલજીયમ સ્થાયી થયા છે. પણ, વિધાનસભા અને લોકસભાની ચૂંટણી સમયે અવશ્ય વતન આવીને મતદાન કરી ભારતીય નાગરિકતાનો ધર્મ નિભાવે છે. 'અકિલા' સાથે વાત કરતા કરિશ્મા પંડ્યાએએ કહ્યું હતું કે મતદાન દ્વારા આપણે આપણા દેશની સરકારને ચૂંટીએ છીએ. આપણે જયારે નાગરિક તરીકે હક્ક ની વાત કરતા હોઈએ ત્યારે આપણે મતદાર તરીકે આપણી ફરજ પણ નિભાવવી જોઈએ. કરિશ્માના પિતા રશ્મિકાંત પંડ્યા રાજય પ્રાથમિક શિક્ષણ સંગઠનના આગેવાન રહી ચૂકયા છે.

(11:48 am IST)
  • વડાપ્રધાન મોદી સાથે આવતીકાલે સવારે ૯ વાગ્યે અક્ષયકુમાર કરશે કઈક નોખી અનોખી મુલાકાત : અત્યારે ચુંટણીના માહોલમાં જ્યારે આખો દેશ રાજનીતિની વાતો કરી રહ્યો છે ત્યારે અક્ષયકુમાર આ મુલાકાત દરમ્યાન પ્રધાનમંત્રી મોદી સાથે સંપૂર્ણપણે બિન રાજકીય અને કઈક જુદીજ અંતરંગ વાતો કરશે : આ સમગ્ર મુલાકાતનું ટેલીકાસ્ટ ANI સમાચાર સંસ્થાના સોશ્યલ મીડિયા હેન્ડલ્સ પર પ્રદર્શિત કરવામાં આવશે access_time 10:34 pm IST

  • યુપી- રાજસ્થાનમાં આંધી- તોફાન- ધુળનું વાવાઝોડુ ફુંકાશેઃ ૩૦ થી ૫૦ કિ.મી.ની ઝડપે પવન ફૂંકાશેઃ તામીલનાડુ- શ્રીલંકાના પૂર્વીય તટો પર ૪૮ કલાકમાં ચક્રાવતી તોફાન ત્રાટકશે :અરબી સમુદ્ર તથા દક્ષીણ- પશ્ચિમ બંગાળાની ખાડી અને દક્ષીણ પૂર્વ શ્રીલંકા ઉપર ભૂમધ્ય લો પ્રેશર કાલે સર્જાઈ શકે છેઃ જે ૩૬ કલાકમાં ડિપ્રેશનમાં ફરે તેવી શકયતા છેઃ હિમાચલ, જમ્મુ- કાશ્મીર, બિહાર, ગંગીય પશ્ચિમ બંગાળ, ઓડીશા, છત્તીસગઢ અને દક્ષીણી આંતરીક કર્ણાટકમાં અલગ- અલગ જગ્યાએ ૩૦ થી ૪૦ કિ.મી. પવનની ગતી સાથે આંધી- તોફાન અને વિજળી પડી શકે છેઃ હવામાન ખાતુ access_time 3:48 pm IST

  • લોકસભા ચુંટણી ૨૦૧૯ : આજે સૌરાષ્ટ્ર-કચ્છમાં સૌથી ઓછુ મતદાન અમરેલીમાં અને સૌથી વધુ મતદાન રાજકોટમાં થયું છે : આખા રાજ્યમાં સૌથી ઓછુ મતદાન અમરેલીમાં અને સૌથી વધુ મતદાન વલસાડમાં થયું છે : ૨૦૧૪ની સરખામણીએ આ વખતે પણ આખા રાજ્યનાં વોટર ટર્નઆઉટની એવરેજમાં બહુ મોટો ફેર નથી પડ્યો - એટલે હવે એ જોવાનું રહ્યું કે ૪૫ લાખ નવા મતદાતાઓ કઈ દિશામાં લઈ જશે ગુજરાતની ૨૬ બેઠકોને access_time 10:44 pm IST