Gujarati News

Gujarati News

News of Tuesday, 24th April 2018

ભાવનગરમાં દરોડાઃ બાયોડીઝલમાં ભેળસેળ પકડાઇઃ બે વેપારી પાસેથી ૭ લાખનો જથ્થો સીઝ

ભાવનગર તા.૨૪: ભાવનગરમાંથી પુરવઠાતંત્રે બાયોડીઝલનાં વેપારીઓને ત્યા દરોડો પાડી રૂ. ૭ લાખનો જથ્થો સીઝ કર્યો છે.

મળતી વિગતો મુજબ જીલ્લામાં બાયોડીઝલનો વેપાર કરતા કેટલાક વેપારીઓ ભેળસેળ કરતા હોવાની ઇન્ચાર્જ કલેકટર એ.એમ. ગાંધીને મળેલી ફરીયાદો ને આધારે પ્રાંત અધિકારી મીયાણીના માર્ગદર્શન હેઠળ જિલ્લા પુરવઠા તંત્ર અને સીટી મામલતદાર તંત્ર દ્વારા કરદેજમાં આવેલી સંતકૃપા ટ્રેડર્સ નામની પેઢીમાં દરોડા પાડી ચેકીંગ કાર્યવાહી હાથ ધરાઇ હતી. ચેકીંગ દરમ્યાન બાયોડીઝલમાં ભેળસેળ થતું હોવાનું ખુલતાં તંત્રએ ૬૦૦૦ લીટર કિંમત રૂપિયા ૨૪૦૦૦૦ નો જથ્થો સીઝ કરીને સંતકૃપા ટ્રેડર્સના સંચાલક ભગીરથસિંહ જયદેવસિંહ ગોહિલ વિરુધ્ધ ધોરણસર ની કાર્યવાહી હાથ ધરી હતી. ઉપરાંત પુરવઠાતંત્રએ મનપસંદ હોટલ નજીકનાં દ્વારકાધીશ ટ્રેડર્સ માં પણ ચેકીંગ કરતા બાયોડીઝલમાં ભેળસેળ કરાતું હોવાનું જણાતા બાયોડીઝલનો ૮૦૦૦ લીટર કિંમત રૂ.૪૨૪૦૦૦ નો જથ્થો સીઝ કરી દ્વારકાધીશ ટ્રેડર્સના સંચાલક મુકેશ રામભાઇ વિરુધ્ધ ધોરણસરની કાર્યવાહી હાથ ધરી હતી.

પુરવઠા તંત્રએ નારી ચોકડી નજીક થી આનંદ બાયોડીઝલ સહિતના ટ્રેડર્સમાં પણ ચેકીંગ હાથ ધરી નમુનાઓ લઇ પરીક્ષણ માટે મોકલી આપ્યા હતા.

(11:35 am IST)
  • દેવભૂમિ દ્વારકાના મીઠાપુરમાં ચાર વર્ષ પહેલા માતા અને તેની બન્ને પુત્રીઓની હત્યામાં, ત્રીપલ મર્ડરના કેસમાં ખંભાળિયા કોર્ટે આરોપી રામજાન ઉર્ફે મનન આમદ સોઢાંને આજીવન કારાવાસની સજા સંભળાવી છે. access_time 8:43 pm IST

  • પાટણનાં મીઠીધારીયાલ ગામ પાસે જીપનો થયો ભયંકર અકસ્માત : અકસ્માતમાં ત્રણ લોકોના મોત : ઘણા લોકો ઘાયલ થયા હોવાનું પ્રાથમિક જાણવા મળી રહ્યું છે. access_time 8:43 pm IST

  • મહારાષ્ટ્રના ગઢચિરોલીમાં સુરક્ષા દળોએ વધુ 6 નક્સલવાદીઓને ફૂંકી માર્યા : અગાઉ રવિવારના રોજ કર્ણાસુર જંગલમાં સુરક્ષાદળોએ 16 નકસલવાદીઓને ઠાર કર્યા હતા : છેલ્લા 48 કલાકમાં, સુરક્ષા દળોએ 22 નક્સલવાદીઓને મારી નાખ્યા છે:સોમવારે અહારી તાલુકાના રાજારામ ખલ્લા ગામમાં છ માઓવાદીઓને પથ્થરોથી પથ્થરમારો કરવામાં આવ્યો હતો. access_time 1:23 am IST