Gujarati News

Gujarati News

News of Sunday, 24th March 2019

કચ્‍છના સાંસદ વિનોદ ચાવડાને ટિકીટ મળવાનું ગણિત પોતાની કામગીરી પર ઉતાર્યુ છે : હવે કચ્‍છને વિકાસના નવા પંથે લઇ જવાની ઇચ્‍છા દર્શાવી

કચ્છના વર્તમાન સાંસદ વિનોદ ચાવડાને ભાજપે ફરી લોકસભા લડવાની ટીકીટ આપી છે ત્યારે વિનોદ ચાવડાએ જણાવ્યું કે , મારી પાંચ વર્ષની કામગીરી જોઈને પાર્ટીએ મને ફરી તક આપી છે આ વખતે બમણી લીડથી જીતવાનો વિશ્વાસ તેમણે વ્યક્ત કર્યો હતો. સાથે કચ્છને વિકાસના પંથે લઈ જવા માટેનું સ્વપ્ન તેમણે સેવ્યું છે.

ક્ચ્છ – મોરબી મતવિસ્તારના યુવા સાંસદ વિનોદ ચાવડાની પાંચ વર્ષની કામગીરી જોઈ પક્ષે તેમને ફરી ચૂંટણી લડવાની ટીકીટ આપી છે ચોટીલાથી આજે સવારે તેઓ ભુજ પરત આવ્યા હતા ત્યારે તેમના નિવાસસ્થાને સમર્થકોને ટોળા ઉમટી પડયા હતા અને મીઠાઈઓ ખવડાવી શુભેચ્છાઓ આપી હતી.વિનોદ ચાવડાએ જણાવ્યું કે , ક્ચ્છ – મોરબીના મતદારો હમેશા ભાજપની પડખે રહ્યા છે મારી પાંચ વર્ષની કામગીરી જેવી કે , ભુજમાં પાસપોર્ટ સેવા કેન્દ્ર , કચ્છને નવી ટ્રેનો , રાષ્ટ્રીય ધોરીમાર્ગો , ક્ચ્છ યુનિવર્સિટીને યુજીસીની માન્યતા સહિતના વિકાસકામોનું ભાથ્થુ લઈને તેઓ પ્રજાની વચ્ચે જશે ગત ચૂંટણીમાં તેઓ 2.54 લાખની લીડથી જીત્યા હતા આ વખતે બમણી લીડથી જીતવાનો વિશ્વાસ વ્યકત કર્યો છે સાથે ચૂંટણી જીતીને કચ્છમાં આગામી સમયમાં ઇન્ટરનેશનલ એરપોર્ટ , એઇમ્સ હોસ્પિટલ , આઈઆઈટી જેવી ઉચ્ચ શિક્ષણની સંસ્થા સાથે પાયાની સવલતો અને આધુનિક વ્યવસ્થા અહીં વિકસાવવાનો નીર્ધાર વ્યકત કર્યો હતો.

(12:52 pm IST)
  • જમ્મુ-કાશ્મીરના પૂર્વ મુખમંત્રી અને પીપલ્સ ડેમોક્રેટિક પાર્ટીના નેતા મહેબુબા મુફ્તીએ લોકસભાની ચૂંટણી લડવાની જાહેરાત કરી છે. મહેબુબાએ શનિવારે કહ્યું કે તેઓ અનંતનાગ સંસદીય મતદારક્ષેત્રથી ચૂંટણી લડશે. આ પહેલા, પીડીપી પ્રમુખ મહેબુબા મુફ્તીએ તેમની પાર્ટી અને કોંગ્રેસ સાથે જોડાણ થવાની વાતને નકારી દિધી હતી. પીડીપીએ આજે ​​બે ઉમેદવારો નામોની જાહેરાત કરી હતી જેમાં એક મહેબુબા મુફ્તી , જ્યારે બીજા શ્રીનગરથી અગા મોહસીન છે. access_time 8:18 pm IST

  • ગુજરાત કેડરના ઇન્ડિયન ફોરેસ્ટ સર્વિસ ઓફિસર શ્રી એસ. કે. મહેતાની કંડલા પોર્ટ ટ્રસ્ટના ચેરમેન તરીકે નિમણૂંક થઈ છે. access_time 10:01 pm IST

  • હાર્દિક પટેલ બન્યો કોંગ્રેસનો સ્ટાર પ્રચારક : UPમાં કોંગ્રેસ માટે કરશે પ્રચાર : યુ.પી.ના 40 કોંગ્રેસી સ્ટાર પ્રચારકોમાં ગુજરાતમાંથી માત્ર હાર્દિક પટેલનું નામ : રાહુલ ગાંધી, સોનિયા ગાંધી, પ્રિયંકા ગાંધી વાડ્રા, નવજોતસિંહ સિધ્ધુ સહિતના સ્ટાર પ્રચારકોની યાદી જાહેર access_time 12:12 am IST