Gujarati News

પોરબંદર તા. ર૪ :.. ભાવનગરના સાળી-બનેવી એકબીજાના પ્રેમમાં પડયા બાદ પોરબંદર હોટલમાં ઉતરેલ અને બન્ને માટે કાયમી ભેગા રહેવુ શકય ન લાગતા સાળીનું ગળુ દબાવી હત્યા કરેલ અને ત્યારબાદ પ્રેમીએ પોતાની મેળે ઝેરી દવા ગટગટાવીને આત્મહત્યા કરી લીધી હતી. આ બનાવમાં દોઢ વર્ષ બાદ પ્રેમી યુવક સામે પોરબંદર પોલીસે હત્યાનો ગુન્હો દાખલ કરેલ છે.

ભાવનગર દેસાઇ નગરમાં રહેતા હેમત છગનભાઇ યાદવને દોઢ વર્ષ પહેલા તેની સાળી પુજા સાથે પ્રેમ થઇ ગયેલ અને સમાજ બન્નેને કાયમી એક થવા દેશે નહીં તેમ જાણીને બન્નેએ જીંદગી ટૂંકાવી નાખવાનું નકકી કરેલ હેમતે તેની સાળી પુજાનું ગળુ દબાવી હત્યા કરેલ અને ત્યારબાદ પોતાની મેળે ઝેરી દવા પી લઇ આત્મહત્યા કરી લીધી હતી.

પોરબંદરના પીએસઆઇ આર. આર. ચુડાસમાએ દોઢ વર્ષ બાદ કમલાબાગ પોલીસ સ્ટેશનમાં પ્રેમી યુવક સામે કલમ ૩૦ર મુજબ ગુન્હો નોંધ્યો છે.