Gujarati News

Gujarati News

News of Wednesday, 24th February 2021

આટકોટ નજીક કારમાં ગાંજાના જથ્થા સાથે ઢસાના ૩ શખ્સોને એસઓજીએ ઝડપી લીધા

ગાંજાનો જથ્થો સુરતથી લાવી રાજકોટના જંગલેશ્વરમાં દેવા જતા'તા ને પોલીસે ઝડપી લીધા

તસ્વીરમાં પકડાયેલ ત્રણેય શખ્સો (નીચે બેઠેલા) સાથે રૂરલ એસઓજીનો કાફલો નજરે પડે છે

રાજકોટ, તા. ૨૪ :. જસદણના આટકોટ પાસે કારમાં ગાંજાના જથ્થા સાથે નીકળેલ ઢસાના ૩ શખ્સોને રૂરલ એસઓજીએ ઝડપી લીધા હતા.

જીલ્લામાં નાર્કોટીકસના કેસો કરવા રૂરલ એસપી બલરામ મીણાએ આપેલ સૂચના અન્વયે રૂરલ એસઓજીના પીઆઈ અજયસિંહ ગોહિલ તથા ટીમ ગોંડલ વિસ્તારમાં પેટ્રોલીંગમાં હતા ત્યારે રૂરલ એસઓજીના હેડ કોન્સ. જયવીરસિંહ રાણા, ધર્મેન્દ્રભાઈ ચાવડા તથા રણજીતભાઈ ધાંધલને મળેલ બાતમી આધારે આટકોટ પાસે વોચ ગોઠવી શંકાસ્પદ હાલતમાં નીકળેલ મારૂતિ કાર નં. જીજે ૦૧ એપી ૮૬૯૫ને અટકાવી તલાસી લેતા તેમાથી માદક પદાર્થ ગાંજો ૧ કિલો ૯૮૧ ગ્રગ્રામ મળી આવતા કારમાં બેઠેલા દિવ્યેશ ઉર્ફે પીન્ટુ ભૂપતનાથ નાથજી રે. કૈલાસ મુકિતધામ ઢસા, ઈકબાલ જબારભાઈ ખરાણી રે. રાણીકા ગોદડીયાનગર-૫ ઢસા તથા વિપુલ ગોવિંદભાઈ પલાણીયા રે. કલરવ પ્રાર્થના વિદ્યાલય પાછળ ગોદળીયાનગર-૫ ઢસાને ઝડપી લઈ કાર, ગાંજો, મોબાઈલ અને રોકડ સહિત ૪૮,૯૧૦ના મુદામાલ સાથે પકડી પાડી ત્રણેય સામે આટકોટ પોલીસ મથકમાં ગુન્હો દાખલ કરાવ્યો હતો.

પકડાયેલ ઉકત ત્રણેય શખ્સો આ ગાંજાનો જથ્થો સુરતથી લાવી રાજકોટના જંગલેશ્વરના કોઈ શખ્સને દેવા જતા હોવાથી કબુલાત આપી હતી. પકડાયેલ ત્રણેય ગાંજાના બંધાણી અને બે શખ્સો અગાઉ પ્રોહીબીશનના ગુન્હામાં પકડાઈ ગયા છે. પકડાયેલ ત્રણેય શખ્સોને રીમાન્ડ પર લેવા તજવીજ હાથ ધરાઈ છે. વધુ તપાસ રૂરલ એસઓજીના પીએસઆઈ હિતેન્દ્રસિંહ એમ. રાણા ચલાવી રહ્યા છે.

(2:43 pm IST)
  • પ્રયાગરાજમાં પ્રદર્શન કરતા વિદ્યાર્થીઓને પોલીસે દોડાવી -દોડાવીને માર્યા : ધરણા સ્થળ છાવણીમાં તબદીલ :એકાદ ડઝન છાત્રોની અટકાયત :નોકરીની માંગ કરતા વિદ્યાર્થીઓને પોલીસે માર્યા :ખાલી પડેલા સેંકડો પદોપર ભરતીની માંગ સાથે વિધાર્થીઓ રસ્તા પર ઉતર્યા access_time 12:37 am IST

  • મહાભારતના સુપ્રસિદ્ધ પાત્ર કર્ણ ઉપર "સૂર્યપુત્ર મહાવીર કર્ણ" ફિલ્મ બની રહી છે જે ના ગીત અને સંવાદ ડોક્ટર કુમાર વિશ્વાસ લખવાના છે access_time 12:07 am IST

  • સ્પાઈસ જેટ એરલાઈન્સ આગામી ૭ માર્ચથી રાજકોટ – મુબઇ વચ્ચે ડેઈલી ફલાઈટ શરૂ થશે : રાજકોટથી બોમ્બે અને દિલ્હી વચ્ચે ફલાઈટ ઉડાડતી સ્પાઈસ જેટ એરલાઈન્સ ૭ માર્ચથી રાજકોટ - મુબઈ વચ્ચે બીજી ડેઈલી ફલાઈટ શરૂ કરશે : ફલાઈટનો સમય સાંજે ૭:૧૦ મીનીટે આવશે સાંજે ૭:૪૦ રવાના થશે access_time 6:02 pm IST