Gujarati News

Gujarati News

News of Wednesday, 24th February 2021

જામનગરમાં તળાવની પાળ દિગ્વિજય પ્લોટમાં વિજય ભટ્ટ નામના પૌઢની હત્યા : પોલીસ કાફલો ઘટના સ્થળે પહોંચ્યો : ઘર કંકાસ કારણભુત હોવાનું પ્રાથમિક તારણ

જામનગરઃ જામનગરમાં તળાવની પાળ દિગ્વિજય પ્લોટ ૧૨ નંબર વિસ્તારમાં વિજય ભટ્ટ નામના પ્રૌઢની સરાજાહેર હત્યા થતા પોલીસ કાફલો ઘટના સ્થળે દોડી તપાસ હાથ ધરી છે.(તસ્વીરઃ કિંજલ કારસરીયા, જામગનર)

(મુકુંદ બદિયાણી દ્વારા) જામનગર, તા.૨૪: સીટી એ ડિવીઝન પોલીસ સ્ટેશનમાં સંજયભાઈ રમેશભાઈ ભટ્ટ એ ફરીયાદ નોંધાવી છે કે, ફરીયાદી સંજયભાઈના મોટા બાપુ વિજયભાઈ ભાનુશંકરભાઈ ભટ્ટ પોતાની દિકરી ફાલ્ગુનીબેનના ઘરે પોતાના દિકરા સચીનભાઈના નવા મકાનના વાસ્તુ માટે આમંત્રણ આપવા માટે ગયેલ હોય અને આ કામેના આરોપી મનિષભાઈ સુરેશચંદ્ર જાની  સાથે છેલ્લા આઠેક વર્ષથી પ્રસંગોપાત એકબીજાના ઘરે આવવા જવાનો વ્યવહાર ન હોય જેથી પોતાની પત્નિ સાહેદ ફાલ્ગુનીબેનને વાસ્તના પ્રસંગમાં જવા દેવા ન માંગતા હોય જે બાબતે આરોપી મનીષભાઈ જાનીએ ફરીયાદી સંજયભાઈના મોટાબાપુ વિજયભાઈ ભાનુશંકરભાઈ ભટ્ટ સાથે તળાવની પાળ દિગ્વીજય પ્લોટ શેરી નં.૧ર શ્રીનાથજી એપાર્ટમેન્ટ ગ્રાઉન્ડ ફલોર જામનગરમાં બોલાચાલી કરી માથાના ભાગે ઈંટના ઘા મારી ગંભીર જીવલેણ ઈજા કરી મોત નિપજાવી જિલ્લા કલેકટરના હથીયારબંધી જાહેરનામાનો ભંગ કરી ગુનો કરેલ છે.

(12:47 pm IST)
  • સ્પાઈસ જેટ એરલાઈન્સ આગામી ૭ માર્ચથી રાજકોટ – મુબઇ વચ્ચે ડેઈલી ફલાઈટ શરૂ થશે : રાજકોટથી બોમ્બે અને દિલ્હી વચ્ચે ફલાઈટ ઉડાડતી સ્પાઈસ જેટ એરલાઈન્સ ૭ માર્ચથી રાજકોટ - મુબઈ વચ્ચે બીજી ડેઈલી ફલાઈટ શરૂ કરશે : ફલાઈટનો સમય સાંજે ૭:૧૦ મીનીટે આવશે સાંજે ૭:૪૦ રવાના થશે access_time 6:02 pm IST

  • કેરળ સરકારનો મોટો નિર્ણય : સબરીમાલા અને સીએએ વિરોધી સામેના કેસ પાછા ખેચશે : કોંગ્રેસ નેતૃત્વ વાળા યુડીએફએ સરકારના આ નિર્ણયને આવકાર્યો : જયારે ભાજપે ભગવાન અયપ્પાના ભક્તો વિરુદ્ધ કેસ દાખલ કરવા બદલ મુખ્યમંત્રી પાસે માફીની માંગ કરી access_time 12:40 am IST

  • હૈકરોએ ઝારખંડના પૂર્વ રાજ્યપાલને બનાવ્યા નિશાન : ઈ-મેલ હૈક કરીને લોકો પાસે માંગી રકમ : પોલીસ તપાસ શરૂ :હૈંકરોએ પૂર્વ ગવર્નર -પૂર્વ કેબિનેટ સચિવ પ્રભાતકુમારનો ઈમેલ આઈડી હૈક કરીને તેના કેટલાય પરિચિતો પાસેથી પૈસા મંગાવ્યા : પૂર્વ રાજ્યપાલ પ્રભાતકુમારે નોઈડા થાના સેક્ટર -39માં ફરિયાદ દાખલ કરતા પોલીસે તપાસ હાથ ધરી access_time 12:23 am IST