Gujarati News

Gujarati News

News of Monday, 23rd November 2020

ઓનલાઇન અભ્યાસ ફાવ્યો ન હોઇ પરિક્ષામાં ઓછા ટકા આવવાના ભયે ધોરણ-૧૨ની છાત્રાનો આપઘાત

મોરબીની કૃપાલી ચાવડા (ઉ.વ.૧૬)એ રાજકોટ સિવિલ હોસ્પિટલમાં દમ તોડતાં પરિવારમાં કલ્પાંત

રાજકોટ તા. ૨૩: ઓનલાઇન અભ્યાસમાં બરાબર સમજાતું ન હોઇ ધોરણ-૧૨માં ઓછા ટકાવારી આવશે, નાપાસ થઇશ એવો ભય ઘર કરી જતાં મોરબીની કૃપાલી ભુપેન્દ્રભાઇ ચાવડા (ઉ.વ.૧૬)એ એસિડ પી આપઘાત કરી લેતાં પરિવારમાં કલ્પાંત સર્જાયો છે.

મોરબી રણછોડનગર-૧માં રહેતી કૃપાલી ભુપેન્દ્રભાઇ ચાવડા (ઉ.વ.૧૬)એ ગત ૩૧મીએ એસિડ પી લેતાં મોરબી સારવાર અપાવી રાજકોટ સિવિલમાં ખસેડાઇ હતી. ઓપરેશન બાદ રજા અપાતાં પરત મોરબી લઇ જવાઇ હતી. ફરીથી તબિયત બગડતાં થોડા દિવસ પહેલા ફરીથી રાજકોટ દાખલ કરાઇ હતી અને રજા અપાસ હતી. હાલમાં તેણીને ફરી બતાવવા જવાનું હોઇ રાજકોટ મોરબી રોડ સેટેલાઇટ પાર્કમાં રહેતાં માસા જીતેન્દ્રભાઇ એલ. રાજગોરના ઘરે રોકાઇ હતી. અહિ મોડી રાતે બેભાન થઇ જતાં સિવિલમાં ખસેડાઇ હતી. પરંતુ તબિબે નિષ્પ્રાણ જાહેર કરતાં સ્વજનોમાં ગમગીની છવાઇગઇ હતી.

બનાવ અંગે હોસ્પિટલ ચોકીના સ્ટાફે બી-ડિવીઝનમાં જાણ કરી હતી. મૃત્યુ પામનાર કૃપાલી ધોરણ-૧૨ કોમર્સમાં ભણતી હતી અને ત્રણ બહેનમાં મોટી હતી. તેના પિતા ભુપેન્દ્રભાઇ ગીરધરભાઇ પોર્ટમાં નોકરી કરે છે. માસા જીતેન્દ્રભાઇના કહેવા મુજબ કૃપાલીને ઓનલાઇન અભ્યાસમાં બરાબર સમજ પડી ન હોઇ તેણી આગામી સમયમાં લેવાનારી પરિક્ષામાં ઓછા ટકા આવશે તો, નાપાસ થઇશ તો? તેવો ભય અનુભવતી હતી. આ કારણે તેણે એસિડ પી લીધું હતું. પોલીસે વિશેષ તપાસ હાથ ધરી છે.

(11:37 am IST)
  • મુંબઈ સહિત મહારાષ્ટ્રમાં જામતી ઠંડીઃ કાલથી ચેન્નાઈમાં ધમધોકાર વરસાદ : મહારાષ્ટ્રમાં મુંબઈ, પુણે, નાસિક, મહાબલેશ્વર સહિતના સ્થળોએ રાત્રીના અને વ્હેલી સવારે હવે ઠંડી જામતી જશે : વિશ્વ પ્રસિદ્ધ મહાબળેશ્વરમાં તો ૧૧-૧૨ ડિગ્રી જેવું ઠંડુ ઉ.માન થઈ જશે : ચેન્નાઈમાં આવતીકાલથી ૨૪-૨૫ બે દિવસ ધમધોકાર વરસાદ પડશે : ૨૫મીએ ૪ ઈંચથી પણ વધુ ભારે વરસાદ ખાબકવાની આગાહી થઈ છે : કાલે અને પરમદિવસે, મંગળ-બુધવારે જોરદાર પવન ફૂંકાશે : દિલ્હીનું હવામાન સવારનું ૧૧ ડિગ્રી અને દિવસનું ૨૪ ડિગ્રી આસપાસ રહેશે access_time 11:31 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • અમદાવાદની રાજપથ કર્ણાવતી અને બીજી કલબો કોરોના મહામારીની પરિસ્થિતિને લીધે બંધ રહેશે access_time 4:05 pm IST