Gujarati News

Gujarati News

News of Monday, 23rd November 2020

ઠંડી યથાવતઃ ગિરનાર ૭.૬ નલીયામાં ૯ ડિગ્રી

રાજકોટ-કેશોદ ૧ર.૪, અમરેલી ૧ર.૮ ડિગ્રીઃ સૌરાષ્ટ્ર-કચ્છમાં શિયાળાનો જામતો માહોલઃ આજે ૧૪ શહેરોમાં લઘુતમ તાપમાન ૧પ ડિગ્રીથી નીચું

રાજકોટ તા. ર૩: રાજકોટ સહિત સૌરાષ્ટ્ર-કચ્છમાં ધીમે-ધીમે શિયાળાનો માહોલ જામતો જાય છે અને લઘુતમ તાપમાનનો પારો નીચે ઉતરતો જાય છે.

આજે જુનાગઢ ગિરનાર પર્વત ઉપર ૭.૬ ડિગ્રી કચ્છના નલીયામાં ૯.૦ ડિગ્રી રાજકોટ અને કેશોદમાં ૧ર.૪ ડિગ્રી. અમરેલીમાં ૧ર.૮ ડિગ્રી લઘુતમ તાપમાન નોંધાયું છે.

આજે રાજયના ૧૪ શહેરોમાં લઘુતમ તાપમાન ૧પ ડિગ્રીથી નીચું નોંધાયું છે.

વહેલી સવારે અને મોડી રાત્રીના ઠંડીના કારણે લોકો ગરમ વસ્ત્રોમાં સજજ થઇને ઠંડીથી બચવા માટે પ્રયાસ કરે છે.

જુનાગઢ

જુનાગઢઃ સોરઠ વિસ્તારના આજે પણ ઠંડીનું મોજું યથાવત રહ્યું છે.

રવિવારે જુનાગઢનું લઘુતમ તાપમાન ૧૩.૧ ડિગ્રી રહ્યા બાદ આજે સવારે પારો નીચે ઉતરીને ૧ર.૬ ડિગ્રીએ સ્થિત થતાં જુનાગઢ સહિતનાં વિસ્તારોમાં ઠંડી અનુભવાઇ હતી.

ગિરનાર પર્વત પર સવારનું તાપમાન ૭.૬ ડિગ્રી રહ્યું હતું. જેનાં પરિણામે ગિરનારની યાત્રાએ આવેલા યાત્રિકો વગેરે ઠુંઠવાય ગયા હતા.

આજની ઠંડીની સાથે વાતાવરણમાં ભેજનું પ્રમાણ ૭૬ ટકા અને પવનની પ્રતિ કલાકની ઝડપ ર.૪ કિ.મી.ની રહી હતી.

(11:07 am IST)
  • દિલ્હીમાં 6746 ને કોરોના લાગ્યો: 121 ના મોત: દિલ્હીમાં છેલ્લા 24 કલાકમાં 6,746 લોકોને કોરોના વાયરસનો ચેપ લાગ્યો છે અને 121 કોરોના દર્દીઓનાં મોત નીપજ્યાં છે. access_time 11:37 pm IST

  • કોરોના મહામારીને લીધે લાંબા સમય સુધી બંધ રહ્યા પછી અમદાવાદનું સુપ્રસિદ્ધ કેમ્‍પ હનુમાન મંદિર આજે ખોલી નાખવામાં આવ્‍યું છે. જોકે ટોકન સિસ્‍ટમ્‍સથી ૨૦૦ ભક્‍તોને જ પ્રવેશ આપવામાં આવશે.. access_time 5:12 pm IST

  • ડ્રગ્સ કેસમાં પકડાયેલ સુપ્રસિદ્ધ કોમેડીયન ભારતીસિંહ અને તેના પતિ હર્ષ લીંબાસીયાને મુંબઈની સ્પેશ્યલ એનડીપીએસ કોર્ટે જામીન ઉપર છોડવા હુકમ કર્યો છે access_time 4:03 pm IST