Gujarati News

Gujarati News

News of Friday, 22nd November 2019

મોરબીના આમરણમાં યુવાન ઉપર હુમલો કરનાર ૧૧ શખ્શો ઝડપી જેલહવાલે : અન્યની શોધખોળ

સ્ટુડિયો સંચાલક પર ટોળાના હુમલા બાદ પોલીસની કાર્યવાહી

 

મોરબીના આમરણ ગામે વિડીયો શેર કરવા મુદે ટોળાએ સ્ટુડિયો સંચાલક યુવાન પર હુમલો કરી દઈને જાનથી મારી નાખવાની ધમકી આપી હોવાની ફરિયાદ નોંધાયા બાદ પોલીસ હરકતમાં આવી હતી અને તાલુકા પોલીસ ટીમે ૧૧ આરોપીને ઝડપી લઈને કોર્ટમાં રજુ કરી જેલહવાલે કર્યા છે

મોરબીના ધૂળકોટ ગામના રહેવાસી અને આમરણમાં સ્ટુડિયો ચલાવતા જયસુખભાઈ ઉર્ફે જયેશભાઈ તરશીભાઈ ચોટલીયાએ મોરબી તાલુકા પોલીસમાં ફરિયાદ નોંધાવી છે કે તેને પૃથ્વીરાજ ચૌહાણને અન્યાય થયેલ અંગેનો વિડીયો ફેસબુક પર શેર કરેલ જે સારું નહિ લાગતા ૧૯ શખ્શોના ટોળાએ હુમલો કર્યો હતો જેમાં યુવાનને ઈજા પહોંચી છે તેમજ જાનથી મારી નાખવાની ધમકી આપ્યાની ફરિયાદ નોંધાવી હોય જે ફરિયાદને પગલે મોરબી તાલુકા પીએસઆઈ આર જાડેજાની ટીમ દ્વારા આરોપીને ઝડપી લેવા તપાસ ચલાવી હતી

યુવાન પર હુમલો કરવાના ગુન્હામાં સામેલ અફઝલ મામદ સોલંકી, કાદરમિયા ઉર્ફે ફટક બરકતમિયા બુખારી, મહમદ યુસુફ સોલંકી, તેફુલ મહમદ ભટ્ટી, લિયાકત ઉર્ફે લકી બાવામિયા બુખારી, તૌફીક અસરફ બુખારી, ઇકબાલ સમસુદિન બુખારી, હસનેન ઉર્ફે ભનો મજીદ ખોખર, ગુલામહુશેન ઉર્ફે ભા શબ્બીર સૈયદ, સલીમ કાલુમિયા બુખારી અને ગુલામહુશેન ઉર્ફે બાપુળી અસરફ બુખારી એમ ૧૧ શખ્શોને ઝડપી લીધા બાદ કોર્ટમાં રજુ કરાયા હતા અને ૧૧ આરોપી જેલહવાલે કરી અન્ય આરોપીની શોધખોળ ચલાવી છે

(12:43 am IST)
  • છેલ્લી સ્થિતિ : શરદ પવાર સાથે એનસીપીના 50 ધારાસભ્યો છે જયારે અજીત પવાર સાથે માત્ર ચાર ધારાસભ્યો હોવાનું newsfirst એ મોડી સાંજે જાહેર કર્યું છે access_time 11:31 pm IST

  • શરદ પવારનો એનસીપી પક્ષ ટૂંક સમયમાં ભાજપના એનડીએ મોરચામાં જોડાઈ જશે : ન્યુઝ ફર્સ્ટ : એનસીપીના સુપ્રિમો શરદ પવાર ટૂંક સમયમાં જ પત્રકાર પરિષદમાં જે કાંઈ ઘટના સર્જાય તે અંગે પ્રકાશ પાડશે તેમ જાણવા મળે છે દરમિયાન આજે સવારે શરદ પવારે કહ્યું હતું કે તેમના ભત્રીજા અજિત પવારે ભાજપ સાથે જવાનો નિર્ણય તેની મેળે લીધો છે. એનસીપીનો આમા કોઈ રોલ નથી. સોશ્યલ મીડિયા ઉપર અત્યારે ઉદ્ધવ ઠાકરેજી અને સંજય રાઉતની ભારે મજાક ઉડી રહી છે. access_time 12:50 pm IST

  • મમતા બનર્જી અને શેખ હસીના વચ્ચે દ્વિપક્ષીય મુદ્દા પર વાતચીત : તિસ્તા નદી પર પાણીની વહેંચણી મુદ્દે સસ્પેન્સ : બાંગ્લાદેશના પ્રધાનમંત્રી શેખ હસીના અને પશ્ચિમ બંગાળના મુખ્યમંત્રી મમતા બેનર્જી સાથે એક કલાક ચર્ચા કરી : આ દરમિયાન બંનેએ દ્વિપક્ષીય મુદા પર ચર્ચાઓ કરી હતી access_time 1:11 am IST