Gujarati News

ચિંતાના વાદળો... : ગોંડલ : ગોંડલ સહિત સૌરાષ્‍ટ્રમાં અનેક સ્‍થળે આજે સવારે વાદળીયુ વાતાવરણ છવાયું હતું. (તસ્‍વીર : ભાવેશ ભોજાણી, ગોંડલ)
રાજકોટ તા. ૨૩ : રાજકોટ સહિત સૌરાષ્‍ટ્ર - કચ્‍છમાં શિયાળાના આગમન થઇ રહ્યું હોય તેવો માહોલ ધીમે-ધીમે છવાતો જાય છે અને મોડી રાત્રીના તથા વહેલી સવારના સમયે ઠંડકનો અનુભવ થઇ રહ્યો છે.
ગઇ સાંજથી હવામાનમાં ફરી પલ્‍ટો આવ્‍યો છે અને વાદળછાંયા વાતાવરણ સાથે રાજકોટ સહિત સૌરાષ્‍ટ્ર - કચ્‍છમાં ઠંડો પવન ફૂંકાઇ રહ્યો છે.
મોડી રાત્રીના તથા વહેલી સવારના સમયે ઠંડકની અસર સાથે લઘુત્તમ તાપમાનનો પારો નીચે જાય છે તેના કારણે શિયાાળ જેવા વાતાવરણનો અહેસાસ થઇ રહ્યો છે.