Gujarati News

Gujarati News

News of Tuesday, 23rd October 2018

આટકોટના ખેડૂતો દ્વારા દેવા માફી અંગે મામલતદારને આવેદન પત્ર પાઠવ્‍યું

તસ્‍વીરમાં દેવા માફી મુદ્‌્‌ે આવેદન પત્ર પાઠવ્‍યુ હતું. (તસ્‍વીર : હુસામુદીન કપાસી -જસદણ)

આટકોટ તા. ર૩ :.. જસદણ તાલુકાના આટકોટ ગામનાં ખેડૂતો દ્વારા દેવા માફી અને પાક વિમા પ્રશ્‍ને ગઇકાલે જસદણ મામલતદારને આવેદન પત્ર પાઠવ્‍યું હતું.

ગઇકાલે આટકોટના પૂર્વ સરપંચ અને સેવા સહકારી મંડળીના પ્રમુખ સુરેશભાઇ ખોખરીયાની આગેવાની હેઠળ આટકોટના ખેડૂતો આટકોટથી જસદણ મામલતદાર કચેરએ બાઇક રેલી લઇ જઇ જસદણના ઇન્‍ચાર્જ મામલતદાર ધાનાણીને આવેદન પત્ર પાઠવ્‍યું હતું.

આવેદન પત્રમાં જણાવ્‍યા મુજબ ચાલુ વર્ષે પાકની જરૂરીયાત કરતા ઓછો વરસાદ થયો હોય ખેડૂતો માટે આ વર્ષ નબળુ હોય જસદણ તાલુકાને દુષ્‍કાળ ગ્રસ્‍ત જાહેર કરવા તેમજ પાક વીમો અને કર્ઝ માફી આપવા માંગણી કરવામાં આવી છે.

ઉલ્લેખનીય છે કે ગઇકાલે સાંજે રાજય સરકારે વિંછીયા તાલુકાને અછત ગ્રસ્‍ત જાહેર કર્યો છે.

આવેદન પત્ર દેવામાં આટકોટના ધીરૂભાઇ ખોખરીયા, નરેશભાઇ હીરપરા સહિત સુરેશભાઇ ખોખરીયાની આગેવાની હેઠળ અનેક ખેડૂતો જોડાયા હતાં.

(10:44 am IST)
  • દાહોદના ઝાલોદની RTO ચેકપોસ્ટ પર એસીબીનો દરોડો :કોમ્પ્યુટર ઓપરેટરની મિલિ ભગતથી વાહનચાલકો પાસેથી નાણાં ઉઘરાવવાનું કૌભાંડ બહાર આવ્યું :ડિકોય ટ્રેપ કરી આસિસ્ટન્ટ મોટર વહીકલ ઇન્સ્પેકટર અને કોમ્પ્યુટર ઓપરેટરને ઝડપી પાડ્યા:વાહન દીઠ રૂપિયા 500 ઉઘરાવતા હતા. access_time 6:45 pm IST

  • આજે પણ ઘટયા પેટ્રોલ-ડિઝલના ભાવ : આજે પણ ઇંધણના ભાવમાં ઘટાડોઃ પેટ્રોલમાં ૧૦ તો ડીઝલમાં ૭ પૈસાનો ઘટાડો જાહેરઃ દિલ્હીમાં પેટ્રોલનો ભાવ રૂ. ૮૧.૩૪ અને ડીઝલનો ભાવ રૂ. ૭૪.૮પ થયોઃ મુંબઇમાં ભાવ અનુક્રમે ૮૬.૮૧ અને ૭૮.૪૬ રૂ. થયો છે access_time 11:48 am IST

  • દિલ્હીઃ રાકેશ અસ્થાનાને હાઈકોર્ટની રાહત:આગામી સુનાવણી સુધી ધરપકડ નહીં:હાઈકોર્ટે CBI પાસેથી ગુરૂવાર સુધી જવાબ માંગ્યો access_time 7:15 pm IST