Gujarati News

Gujarati News

News of Monday, 23rd September 2019

હળવદના કડીયાણામાં કેનાલમાં ૩ બાળકો ડૂબ્યાઃ ર લાપત્તાઃ ૧નો બચાવ

(દિપક જાની દ્વારા) હળવદ તા. ર૩ :.. હળવદ તાલુકાના કડીયાણા ગામ પાસે આવેલ કેનાલ પાસે વાડીમાં કામ કરતા આદિવાસી પરિવારના ૧૪ થી ૧૭ વર્ષની ઉમરના ત્રણ બાળકો વિશાલ, કરણ અને કિશન કેનાલ પાસે રમી રહ્યા હતાં.

તે વખતે વિશાલ અચાનક જ કેનાલમાં પડી ગયો હતો. આથી નજર સામે જ ડૂબતા કૌટુંબિકભાઇને બચાવવા કરણ અને કિશને પણ પળવાર વિલંબ કર્યા વગર કેનાલમાં ઝંપલાવ્યુ હતું. પરંતુ વિશાલ કેનાલમાંથી બહાર નીકળી ગયો હતો.

પરંતુ કરણ ને કિશન ઉંડા પાણીમાં ગરકાવ થઇ ગયા હતાં. બનાવની જાણ થતા જ મામલતદાર તેમની ટીમ સાથે ઘટના સ્થળે પહોંચી જઇને તરવૈયાઓની મદદથી બન્ને બાળકોની શોધખોળ હાથ ધરી છે.

(3:36 pm IST)
  • દિલ્હી અને ગ્રેટર નોઈડામાં પોલીસ અથડામણ : ઈનામી આરોપી સહીત બે ઝડપાયા : ગ્રેટર નોઇડ્સમાં 25 હજારના ઈનામી બદમાશ મનીષની ધરપકડ : દિલ્હીના કૈર ગામમાં નંદુ ગેંગ સાથે પોલીસની અથડામણ access_time 1:05 am IST

  • હાઉડી મોદીના મંચ પર અમેરિકાના રાષ્ટ્રપતિ ડોનાલ્ડ ટ્રમ્પે આતંકવાદ સામેની લડાઇમાં ભારતને ખુલ્લું સમર્થન આપ્યું : ડોનાલ્ડ ટ્રમ્પે પાકિસ્તાનનું નામ લીધા વગર જણાવ્યું કે ઇસ્લામિક આતંકવાદીઓ સામે ભારત અને અમેરિકા એકજૂટ થઇને લડશે. access_time 1:03 am IST

  • કોંગ્રેસના વરિષ્ઠ નેતા જયરામ રમેશે કહ્યું કે હું ખુશ છું કે અમેરિકામાં પીએમ મોદીને નહેરુના યોગદાનની યાદ અપાવાઈ : જયરામ રમેશે કહ્યું કે તેને એ વાતની ખુશી છે કે વડાપ્રધાન મોદીને જવાહરલાલ નહેરુએ આપેલા યોગદાનની અમેરિકામાં યાદ દેવડાવી access_time 1:09 am IST