Gujarati News

Gujarati News

News of Monday, 23rd September 2019

વાંકાનેરના જડેશ્વર પાસે તળાવમાં ન્હાવા પડેલ જસદણના મુળજીભાઈ પરમારનું ડૂબી જતા મોત

મૃતક મુળજીભાઈ મિત્ર સાથે હડમતીયા પાલણ પીરના મેળામાં સેવા આપવા આવ્યા હતાઃ મિત્રો સાથે તળાવમાં ન્હાવા પડતા દુર્ઘટના સર્જાઈઃ વાંકાનેર ફાયર બ્રિગેડ દ્વારા લાશની શોધખોળ હાથ ધરાઈ

રાજકોટ, તા. ૨૩ :. વાંકાનેરના જડેશ્વર પાસે તળાવમાં ન્હાવા પડેલ જસદણના સેવાભાવી પ્રૌઢનું ડૂબી જતા મોત નિપજતા અરેરાટી વ્યાપી ગઈ છે.

પ્રાપ્ત વિગતો મુજબ વાંકાનેરના જડેશ્વર ગામ પાસે આવેલ તળાવમાં ન્હાવા પડેલ મુળજીભાઈ પૂંજાભાઈ પરમાર દલિત (ઉ.વ. ૫૦)નું ડૂબી જતા મોત નિપજ્યુ હતું. બનાવની જાણ થતા વાંકાનેર ફાયર બ્રિગેડનો સ્ટાફ તરવૈયા સાથે ઘટના સ્થળે દોડી જઈ મૃતકની લાશની શોધખોળ હાથ ધરી છે.

પોલીસ સૂત્રોના જણાવ્યા મુજબ મૃતક મુળજીભાઈ મિત્રો સાથે જસદણથી હડમતીયા પાલણપીરના મેળામાં સેવા આપવા માટે આવ્યા હતા અને મિત્રો સાથે બાજુમાં આવેલ તળાવમાં ન્હાવા પડતા મુળજીભાઈનું ડૂબી જતા મોત નિપજ્યુ હતું. આ બનાવથી સેવાભાવી યુવાનોમાં શોકની લાગણી ફેલાય છે.

(12:17 pm IST)
  • કાશ્મીરમાં મંદિરો મામલે કેન્દ્ર સરકારનો મોટો નિર્ણયઃ ૫૦ હજાર બંધ મંદિરના કપાટ ખોલાશેઃ કેન્દ્ર સરકારના સર્વે બાદ બંધ શાળાઓને પણ ખોલાશેઃ કેન્દ્રીય ગૃહ રાજયમંત્રી કિશન રેડ્ડીનું નિવેદન access_time 4:09 pm IST

  • દિલ્હી અને ગ્રેટર નોઈડામાં પોલીસ અથડામણ : ઈનામી આરોપી સહીત બે ઝડપાયા : ગ્રેટર નોઇડ્સમાં 25 હજારના ઈનામી બદમાશ મનીષની ધરપકડ : દિલ્હીના કૈર ગામમાં નંદુ ગેંગ સાથે પોલીસની અથડામણ access_time 1:05 am IST

  • કાલથી કેરળમાં મધ્યમ - ભારે વરસાદ : અપર લેવલ એકટીવ સરકયુલેશન અને લો લેવલ હિલચાલના પગલે આગામી કેટલાક દિવસો (૨૪-૨૫ સપ્ટેમ્બર) સુધી કેરળમાં મધ્યમથી ભારે વરસાદની ખાનગી વેધર ચેનલે આગાહી કરી છે : ગાજવીજ સાથે બેંગ્લોર અને તામિલનાડુમાં વરસાદ પડવા સંભવ access_time 6:32 pm IST