Gujarati News

Gujarati News

News of Monday, 23rd September 2019

જેતપુરમાં જેસીઝ સપ્તાહ ઉજવણીની પુર્ણાહુતી

 જેતપુર : ૧૦૦ થી વધુ સેવાકીય લોકો ઉપયોગી પ્રોજેકટોની હારમાળા સર્જી ઇન્ટરનેશનલ જેસીઝના આ પર્વની પુર્ણાહુતી દબદબાભેર યુવા પ્રમુખ કલ્પેશ પટેલે કરી  હતી. શાનદાર સપ્તાહની આસી બનવા ઝોન ૭ના ગૌરવવંતા સુપ્રિમો સતીષ કોયાણી, મીઠા સ્વરના માલીક વૈષ્ણવ સંપ્રદાયના પૂર્વ ઝોન પ્રમુખ મનીષ ધ્રુવ, યુવા નેતા પ્રશાંત કોરાટ, પૂર્વ જોન ઓફીસર નિતીન વસાણી તથા હાસ્ય કલાકાર હરદેવભાઇ આહિર, કોર્નર સ્પીકર તરીકે ઉપસ્થિત હતા. જેસી વીકના ચેરમેન વિષ્ણુ બુટાણી તથા તેની ટીમની મો ફાટ સરાહના કરી હતી. જેતપુર પંથકમાં નિઃસ્વાર્થ સેવાના ઓજસ પાથરી રહેલ જોષીબાપા (વૃધ્ધાશ્રમ) અનામી ડેડબોડીને અંતીમ મંજીલે પહોચાડવાનુ કપરૂ કામ કરી રહેલ હારૂનભાઇ રફાઇ, નગર સેવક ઉમેશ પાદરીયા તથા ફરજ નિષ્ઠામાં સુપરહીટ એવા પોલીસમિત્રો સન્માનપત્રક આપી સન્માનીત કરાયા હતા તો પુર્વ ઝોન પ્રમુખ મનીષ ધ્રુવ દ્વારા વ્યસન મુકિત અંગે પ્રકાશ પડાયો હતો. જેસીઝ પ્રમુખ કલ્પેશ પટેલ દ્વારા ટ્રાફીક અવેરનેશ કરાયુ હતુ. સમારંભની પુર્ણાહુતી તથા સન્માનની તસ્વીર.

(12:14 pm IST)
  • હાઉડી મોદીમાં વડાપ્રધાને કાશ્મીરનો કર્યો ઉલ્લેખ : કહ્યું -આર્ટિકલ 370ના કારણે જમ્મુ કાશ્મીર અને લદ્દાખના લોકોને વિકાસ અને સમાન અધિકારોથી વંચિત રાખ્યા હતા. જેનો ફાયદો આતંકવાદી અને અલગાવવાદી તાકાત ઉઠાવતી હતી access_time 1:04 am IST

  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • હાઉડી મોદીના મંચ પર અમેરિકાના રાષ્ટ્રપતિ ડોનાલ્ડ ટ્રમ્પે આતંકવાદ સામેની લડાઇમાં ભારતને ખુલ્લું સમર્થન આપ્યું : ડોનાલ્ડ ટ્રમ્પે પાકિસ્તાનનું નામ લીધા વગર જણાવ્યું કે ઇસ્લામિક આતંકવાદીઓ સામે ભારત અને અમેરિકા એકજૂટ થઇને લડશે. access_time 1:03 am IST