Gujarati News

Gujarati News

News of Monday, 23rd September 2019

ઉનાની ખજુદ્રા આંગણવાડીના બાળકો ઉપર જીવનું જોખમ : છત સહિત બાંધકામ જર્જરીત

ઉના તા.૨૩ : તાલુકાના ખજુદ્રા ગામની આંગણવાડીના બાળકોની જીંદગી ભગવાન ભરોસે છે. છત સહિત બાંધકામ જર્જરીત થયેલ છે.

ખજુદ્રા ગામની અંદર બે આંગણવાડી આવેલ છે તેમાં આશરે ૭૨ બાળકો રોજના ભણવા માટે આવે છે ૭૨ બાળકો વચ્ચે ચાર શિક્ષિકા છે. ખજુદ્રા ગામની અંદર ૫૦૦ થી વધુ નાના બાળકો આંગણવાડીમાં ભણી શકે છે પણ આખા ગામની અંદર જ ર આંગણવાડી હોવાથી બાળકો ભણી શકતા નથી હજી વધારે બે આંગણવાડી બનાવાય તો તમામ બાળકો ભણી શકે છે.

આંગણવાડીની અંદર બાળકો જીંદગી ભગવાનને ભરોસે ભણી રહ્યા છે. પાણી લાઇટ પંખા જેવી સુવિધાઓ તો નથી ઉપરથી છતના પોપડા ખરે છે તમામ બાળકો ખતરામાં છે. આંગણવાડીના તમામ રૂમના દરવાજાઓ બારી તૂટી ગયેલ હાલતમાં છે હજી સુધી રીપેર થયા નથી. બાથરૂમ તથા રૂમની અંદર પ્રદૂષણ છે. તથા આંગણવાડીની આસપાસ જગ્યામાં પણ મોટા પાયે પ્રદૂષણ ફેલાયેલ છે તેથી તેના કારણે બાળકો ઉપર મોટી ગંભીર બિમારી થવાનો ભય છે.

તંત્ર જો ખજુદ્રા ગામની આંગણવાડીની મુલાકાત કરે તો ખબર પડે કે ખજુદ્રાન ગામના બાળકો આંગણવાડીમાં ભણવામાં કેટલી મુશ્કેલીઓનો સામનો કરે છે. આગામી દિવસોમાં ખજુદ્રા ગામની આંગણવાડીની સમસ્યાનો હલ નહી કરવામાં આવે તો આંગણવાડીમાં ભણવા તમામ બાળકો ઉપર ગંભીર પરિસ્થિતિ સર્જાઇ શકે તેવો ભય છે.

(12:10 pm IST)
  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • ઉતકલ એક્સપ્રેસમાં બોમ્બની અફવાથી ખળભળાટ : ડોગ સ્ક્વોડ અને બૉમ્બ સ્ક્વોડ દ્વારા બે કલાક સુધી ટ્રેનમાં સઘન ચેકીંગ : આખી ટ્રેનને ખાલી કરાવાઈ : યાત્રીઓમાં ભયનો માહોલ access_time 1:03 am IST

  • હાઉડી મોદીના મંચ પર અમેરિકાના રાષ્ટ્રપતિ ડોનાલ્ડ ટ્રમ્પે આતંકવાદ સામેની લડાઇમાં ભારતને ખુલ્લું સમર્થન આપ્યું : ડોનાલ્ડ ટ્રમ્પે પાકિસ્તાનનું નામ લીધા વગર જણાવ્યું કે ઇસ્લામિક આતંકવાદીઓ સામે ભારત અને અમેરિકા એકજૂટ થઇને લડશે. access_time 1:03 am IST