Gujarati News

Gujarati News

News of Monday, 23rd September 2019

ટંકારાના જીવાપરમાં હજાર રૂપરડીની ઉઘરાણી મામલે ધમાલઃ ૪ ઘવાયા

મનુ દેવીપૂજક, તેના ભાઇ કલ્પેશને ગંભીર ઇજાઃ સામા પક્ષે કાંતિભાઇ અને તેના માતા દિવાળીબેન ઘવાયાઃ ધોકા-પાઇપ-ધારીયાથી ધબધબાટી

રાજકોટ તા. ૨૩: ટંકારાના જીવાપરમાં  હજાર રૂપિયાની ઉઘરાણી મામલે સશસ્ત્ર ધમાલ થતાં દેવીપૂજક પરિવારોના ચાર લોકોને ઇજા થતાં સારવાર માટે રાજકોટ ખસેડાયા છે.

જીવાપર રહેતાં મનુ ખેંગારભાઇ લોરીયા (ઉ.૩૫) તથા તેના ભાઇ કલ્પેશ ખેંગારભાઇ લોરીયા (ઉ.૨૫) પર પડોશી રમેશ તળશી દેવીપૂજક, વિક્રમ તળશી, કમુ છગન, ધીરૂ છગન, વિજય કાંતિ, જગયદીશ તળશી સહિતનાએ ધોકા-પાઇપ-ધારીયાથી હુમલો કરતાં ફ્રેકચર જેવી ઇજાઓ થતાં ટંકારા સારવાર લઇ રાજકોટ સિવિલ હોસ્પિટલમાં દાખલ થયા છે.

સામા પક્ષે કાંતિભાઇ તળશીભાઇ અગારીયા (ઉ.૫૫) અને તેના માતા દિવાળીબેન (ઉ.૭૫) પણ ઘાયલ થતાં તેને પણ રાજકોટ સિવિલ હોસ્પિટલમાં ખસેડાયા છે. મનુના સગાના કહેવા મુજબ કલ્પેશ લોરીયાએ કાંતિ અગારીયાના પુત્ર દિપક પાસેથી રૂ. એક હજાર ઉછીના લીધા હતાં. તેની ઉઘરાણી મામલે બોલાચાલી થતાં આ માથાકુટ થઇ હતી. હોસ્પિટલ ચોકીના સ્ટાફે ટંકારા પોલીસને જાણ કરતાં બંને પક્ષની ફરિયાદ નોંધવા તજવીજ થઇ હતી.

(11:58 am IST)
  • કોંગ્રેસના વરિષ્ઠ નેતા જયરામ રમેશે કહ્યું કે હું ખુશ છું કે અમેરિકામાં પીએમ મોદીને નહેરુના યોગદાનની યાદ અપાવાઈ : જયરામ રમેશે કહ્યું કે તેને એ વાતની ખુશી છે કે વડાપ્રધાન મોદીને જવાહરલાલ નહેરુએ આપેલા યોગદાનની અમેરિકામાં યાદ દેવડાવી access_time 1:09 am IST

  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • કાલથી કેરળમાં મધ્યમ - ભારે વરસાદ : અપર લેવલ એકટીવ સરકયુલેશન અને લો લેવલ હિલચાલના પગલે આગામી કેટલાક દિવસો (૨૪-૨૫ સપ્ટેમ્બર) સુધી કેરળમાં મધ્યમથી ભારે વરસાદની ખાનગી વેધર ચેનલે આગાહી કરી છે : ગાજવીજ સાથે બેંગ્લોર અને તામિલનાડુમાં વરસાદ પડવા સંભવ access_time 6:32 pm IST