Gujarati News

Gujarati News

News of Monday, 23rd September 2019

ભાણવડમાં ૩ તલાટી મંત્રીની જગ્યા હોવા છતા એકની તલાટી મંત્રીની નિમણુંકથી અરજદારો હેરાન

 ભાણવડ તા.૨૩ : છેલ્લા ઘણા સમયથી ૩ તલાટી મંત્રીની જગ્યા છે અને જરૂરીયાત પણ હોવા છતા એક જ તલાટી મંત્રીથી ગાડુ ગબડાવવામાં આવી રહ્યુ હોય અરજદારોને ભારે હાલાકીનો સામનો કરવો પડી રહ્યો છે.

એકમાત્ર તલાટી મંત્રી પર વધારાનો ચાર્જ ઢોળી દેવામાં આવતો હોય છે. હાલ એક જ તલાટી મંત્રીને વધારાનો પાછતર ગૃપનો પણ ચાર્જ સોપેલ છે જેમાં આઠ જેટલા ગામોનો સમાવેશ થાય છે. આટલુ ઓછુ હોય તેમ આ એકમાત્ર તલાટી પાસે સરકારી કામકાજ સહિતની અનેક કામગીરીઓ પણ કરાઇ રહી હોય તલાટીમંત્રી સંલગ્ન કામ માટે આવતા તાલુકાભરના અરજદરો ભારે હેરાન થઇ રહ્યા છે. ૩ તલાટીનું કામ એક પાસે કરવામાં આવતુ હોય તેમના પર પણ કામના ભારણનો બોજ રહે છે અને જરૂરીયાતમંદ અને ઇમરજન્સીવાળા અરજદારો પારાવાર હાલાકી વેઠી રહ્યા છે ત્યારે આ હાલાકી અને પરેશાની દૂર કરવા વહેલી તકે તલાટી મંત્રીની જગ્યા ખાલી પડેલ પુરવા પ્રબળ લોકમાંગ ઉઠી છે.

(11:55 am IST)
  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • કોંગ્રેસના વરિષ્ઠ નેતા જયરામ રમેશે કહ્યું કે હું ખુશ છું કે અમેરિકામાં પીએમ મોદીને નહેરુના યોગદાનની યાદ અપાવાઈ : જયરામ રમેશે કહ્યું કે તેને એ વાતની ખુશી છે કે વડાપ્રધાન મોદીને જવાહરલાલ નહેરુએ આપેલા યોગદાનની અમેરિકામાં યાદ દેવડાવી access_time 1:09 am IST

  • પોરબંદર બંદરે ત્રણ નંબરનું સિંગ્નલ લગાડયું : માછીમારોને દરિયો નહિ ખેડવા સૂચના : સુરક્ષા એજન્સીઓને સતર્ક કરાઈ : આગામી ત્રણ દિવસ ભારે વરસાદ અને ભારે પવન ફુંકાવવાની શકયતા access_time 6:42 pm IST