Gujarati News

Gujarati News

News of Monday, 23rd September 2019

મોટીમારડ આઉટ પોસ્ટ પોલીસ સ્ટેશન શોભાનો ગાંઠીયો : કયારેય ખુલતું જ નથી

ઉચ્ચ કક્ષાએ રજુઆત છતા પરિણામ શૂન્ય : નાગરિકોને કાયદાનું પાલન શીખવાડનાર ખુદ જ કાયદો નથી પાળતા...

મોટીમારડ, તા. ર૩ : ધોરાજી તાલુકાના મોટીમારડ ગામનું આઉટ પોસ્ટ પોલીસ છેલ્લા ઘણા સમય થયા ખુલ્યું જ નથી.

મોટીમારડ ગ્રામજનો વતી આ બાબતે ઘણીવાર રજુઆત કરવામાં આવી છતાં પણ મોટીમારડ આઉટ પોસ્ટ પોલીસ શોભાના ગાંઠીયા સમાજ થઇ ગયું છે અલીગઢી લાગેલા તાળા ખુલતા નથી. ઠેર ઠેર ધૂળના થર ઝાડી, ઝાંખરા ઉગી નીકળેલ છે.

પાટણવાવ પીએસઆઇ સાથે ટેલિફોનિક વાત થતાં તેમણે જણાવેલ કે મોટીમારડ ઓ.પી. ૧૧-૦૦થી ૧-૦૦ ખુલ્લુ રહે છે. આ વાતને પણ ઘણા દિવસ થઇ ગયા, પરંતુ ૧૧-૦૦થી ૧-૦૦ પણ નથી ખુલતું. હકીકત શું છે તે ખબર નથી પડતી, શું નીચલો સ્ટાફ અધિકારીની વાત નથી માનતા કે પછી ઉચ્ચ અધિકારીઓને પ્રજાના રક્ષણની જવાબદારીની ફેંકા ફેકી જ કરવી છે તેવો પ્રશ્ન લોકોમાં ચર્ચાઇ રહ્યો છે.

(11:54 am IST)
  • કાશ્મીરમાં મંદિરો મામલે કેન્દ્ર સરકારનો મોટો નિર્ણયઃ ૫૦ હજાર બંધ મંદિરના કપાટ ખોલાશેઃ કેન્દ્ર સરકારના સર્વે બાદ બંધ શાળાઓને પણ ખોલાશેઃ કેન્દ્રીય ગૃહ રાજયમંત્રી કિશન રેડ્ડીનું નિવેદન access_time 4:09 pm IST

  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • પોરબંદર બંદરે ત્રણ નંબરનું સિંગ્નલ લગાડયું : માછીમારોને દરિયો નહિ ખેડવા સૂચના : સુરક્ષા એજન્સીઓને સતર્ક કરાઈ : આગામી ત્રણ દિવસ ભારે વરસાદ અને ભારે પવન ફુંકાવવાની શકયતા access_time 6:42 pm IST