Gujarati News

Gujarati News

News of Monday, 23rd September 2019

ઓખા રેલ્વે સ્ટેશને સફાઇ અભિયાન

ઓખા : મહાત્મા ગાંધીજીની ૧૫૦મી જન્મજયંતી નિમિતે સંપુર્ણ પશ્ચિમ રેલ્વેમાં ૧૬ થી ૩૦ ડીસેમ્બર ૨૦૧૯ સુધી સ્વચ્છતા સપ્તાહરૂપ સ્વચ્છતા અભિયાન ચલાવાઇ રહ્યુ છે. આ સંદર્ભે ઓખા રેલ્વે સ્ટેશન પર સ્વચ્છ રેલ્વે સ્વચ્છ ભારત અભિયાન કાર્યક્રમ યોજાયેલ. ઓખા હરિહર જીવદયા અન્નક્ષેત્રના પ્રણેતા પરમ પૂજય જગદીશભાઇ શાસ્ત્રીજી તથા ઓખા કેટ નાગરીક સેવા સમિતિ સાથે રેલ્વે સીએમઆઇ દ્વારકાના વિકાસભાઇના માર્ગદર્શનમાં ઓખા રેલ્વેસ્ટેશન પર સ્વચ્છતાના શપથ લીધા હતા અને ઓખા રેલ્વે સ્ટેશન  સાથે રેલ્વે કેન્ટીન પ્લેટફોર્મ અને સ્ટેશનના દરેક વિસ્તારની હાથમાં જાડુ લઇ સફાઇ કરી હતી. આ સફાઇ અભિયાનમાં ઓખા બેટ નાગરીક સમિતિના દિપકભાઇ રવાણી, રમેશભાઇ મજીઠીયા, જીતુભાઇ ગોકાણી, ગોસાઇભાઇ સાથે વેપારી અગ્રણી ડેનીશભાઇ ધોકાઇ, હરેશભાઇ ગોકાણી વગેરે અગ્રણીઓ જોડાયા હતા તે પ્રસંગની તસ્વીર. (તસ્વીર : ભરત બારાઇ,ઓખા)

(11:48 am IST)
  • હાઉડી મોદીના મંચ પર અમેરિકાના રાષ્ટ્રપતિ ડોનાલ્ડ ટ્રમ્પે આતંકવાદ સામેની લડાઇમાં ભારતને ખુલ્લું સમર્થન આપ્યું : ડોનાલ્ડ ટ્રમ્પે પાકિસ્તાનનું નામ લીધા વગર જણાવ્યું કે ઇસ્લામિક આતંકવાદીઓ સામે ભારત અને અમેરિકા એકજૂટ થઇને લડશે. access_time 1:03 am IST

  • ડોનાલ્ડ ટ્રમ્પને સમર્થન આપીને નરેન્દ્રભાઈએ જોખમી પગલુ ભર્યુ? નવી દિલ્હી : અમેરિકામાં 'હાઉડી મોદી' કાર્યક્રમમાં ડોનાલ્ડ ટ્રમ્પને સમર્થન આપીને વડાપ્રધાન નરેન્દ્રભાઈ મોદીએ જોખમી પગલુ ભર્યાનું ચર્ચાઈ રહ્યુ છે. જો ડોનાલ્ડ ટ્રમ્પ રાષ્ટ્રપતિની ચૂંટણી હારી જાય તો નરેન્દ્રભાઈ માટે પરિસ્થિતિ ખૂબ જ કઠીન બની જશે. નવા રાષ્ટ્રપતિ સાથે સંબંધ બાંધવામાં તેમને ઘણી પરીક્ષાઓનો સામનો કરવો પડશે તેવુ રાજકીય પંડિતો માની રહ્યા છે. access_time 5:39 pm IST

  • હ્યુસ્ટનમાં હાઉડી મોદી : પીએમ મોદીએ રાષ્ટ્રપતિ ટ્રમ્પને કહ્યું તમે સપરિવાર સાથે ભારત આવો અને અમને તમારું સ્વાગત કરવાની તક આપો access_time 1:05 am IST