Gujarati News

Gujarati News

News of Monday, 23rd July 2018

મોરબીથી સાળંગપુર હનુમાનજીના દર્શન માટે એસ.ટી.બસ દોડાવવા માંગણી

ચાંચાપર તા.૨૩ : શહેર તેમજ તાલુકાના ઘણા ગામડાઓના ધર્મપ્રેમીઓ દરરોજ સાળંગપુર હનુમાનજીના દર્શનાર્થે જાય છે પણ મોરબીથી કોઇ સાળંગપુર જવા માટેની સળંગ એસટીની બસ જતી ન હોવાથી મોરબીથી સાળંગપુરની બસ દોડાવાય તો પ્રજાને પડતી અગવડતા નિવારી શકાય તે મતલબનો એક પત્ર ચાંચાપર ગામની તાલુકા શાળાના નિવૃત આચાર્યે એસ.ટી. બોર્ડના અધ્યક્ષને પાઠવ્યો હોવાનું જાણવા મળેલ છે.

મોરબી તાલુકાના ચાંચાપર ગામના પાદરમાંથી પસાર થતી સવારે મોરબીથી જામનગર જતી બસ નિયમિત રીતે અનિયમિત ચાલી રહી હોવાથી જામનગર જવા આસપાસના ગ્રામ્ય વિસ્તારમાંથી બસ પકડવા પગપાળા ચાલીને આવતા ઉતારૂઓ રઝળી પડે છે.

તેમજ મોરબીથી સવારે ટપાલના થેલાઓ લઇને આવતી મોરબી નેસડા રૂટની બસ સવારના દશને બદલે સવા અગિયાર વાગ્યે આવતી હોવાથી ઉના રૂટના લોકો હેરાન પરેશાન થઇ રહ્યા હોવાની બૂમ જાગી છે. આ બસમાં ચાંચાપરના વિદ્યાર્થી ભાઇ બહેનો ખાનપર હાઇસ્કૂલમાં અભ્યાસાર્થે જાય છે તે પણ અનિયમિતતાના કારણે હેરાન પરેશાન થઇ રહ્યાનુ જાણવા મળે છે તેમજ એસ.ટી. તંત્રની અનિયમિતતાને કારણે પ્રજાને ટપાલ મોડી મળે છે.

(12:22 pm IST)
  • પતિ જો પત્નીને ઘરેથી કાઢી મુકશે તો પોલીસ મહિલાની મદદ કરશે, ડિવોર્સ ન થાય ત્યાં સુધી પત્ની પતિના ઘરે રહી શકે છે : સુરત પોલીસ કમિશ્નર સતિષ શર્માએ સંબોધી પત્રકાર પરિષદ, મહિલાઓ સામે થતા અત્યાચારને લઈને સતિષ શર્માએ આપ્યું નિવેદન access_time 8:03 pm IST

  • કોસ્ટલ હાઇવે પર માધવપુર ઘેડ પાટા વચ્ચે મધુવંતી નદીના બારામાં માછીમારી કરતો શખ્શ પાણીના પ્રવાહમાં ખેંચાઈ જતા મોત : પોરબંદરમાં કોસ્ટલ હાઇવે પર આવેલા માધવપુર ઘેડ પાટા વચ્ચે મધુવતી નદીના બારામાં માંગરોળ તાલુકાના જડીયાવાળા ગામનો શખ્શ પ્રવાહમાં મચ્છીની જાળ નાખીને ઉભેલ હતો ત્યારે પાણીના પ્રવાહમાં ખેંચાઈ જતા મોત : ફાયર બ્રિગેડની ટીમ અને મામલતદાર ઘટના સ્થળે દોડ્યા : મૃતદેહને બહાર કાઢીને આગળની કાર્યવાહી હાથ ધરી છે access_time 10:33 pm IST

  • અમદાવાદ:એલજી હોસ્પિટલ ના મેડિકલ સુપ્રીટેન્ડન્ટની આગોતરા જમીન ફગાવતી સુપ્રીમ કોર્ટ: ડો. આર સી શાહની જામીન અરજી સુપ્રીમે રદ કરી નાખી :ધરપકડ નહીં કરવા આપેલી રાહત પણ પાછી ખેંચી:ગમે તે ઘડીએ ACB કરી શકે છે ધરપકડ: AMC સત્તાધીશો દ્વારા ACBમાં ગુનો દાખલ કરાયો access_time 8:00 pm IST