Gujarati News

વઢવાણ, તા. ર૩ : ધ્રાંગધ્રા તાલુકાના ૧૮ ગામોમાં પીવાના પાણી તંગી સર્જાતા રોષે ભરાયેલા ગ્રામજનો પાણી આપવાની માંગ સાથે સુરેન્દ્રનગર કલેકટર કચેરીએ ધસી આવ્યા હતા. દેવચરાડી, કોંઢ, કલ્યાણપર, ગુજરવદી, જશાપર સહિત ૧૮ ગામોના લોકોને હાલ પીવાના પાણી માટે વલખા મારવા પડે છે.

નર્મદા કેનાલમાં પાણી છોડવામાં આવે તેવી માંગણી કરી છે. આવેદનપત્રમાં તેમણે જો આગામી સાત દિવસમાં પાણી આપવામાં નહિ આવે તો ઉગ્ર આંદોલન કરવાની ચીમકી પણ ઉચ્ચારી છે. સુરેન્દ્રનગર જિલ્લામાં હજુ સુધી મેઘરાજાની પધરામણી થઇ નથી ત્યારે અનેક વિસ્તારોમાં પાણી માટે લોકોને ભારે હાલાકીનો સામનો કરવો પડે છે