Gujarati News

Gujarati News

News of Saturday, 23rd May 2020

ધારીના હાલરીયા નજીક વાડીએ જતા ખેડૂતોના ટ્રેકટર સામે રસ્તામાં અચાનક આવ્યા બે સિંહ

હાકલા પડકારા કરી સિંહોના નામ સાથે બોલાવી સિંહોને બિરદાવ્યા

અમરેલી: અમરેલી જિલ્લાના ધારી તાલુકાના હાલરીયા ગામ પાસે ખેડૂત પોતાની વાડીએ જઈ રહ્યા હતા ત્યારે બે સિંહો તેમના રસ્તામાં સામે આવી ચડ્યા હતા. સ્થાનિક ખેડૂત વાડી વિસ્તારના માર્ગે ટ્રેકટર લઇ પસાર થતા હતા આ દરમિયાન બે સિંહો તેની સામે આવી ગયા હતા.


જોકે રેતી ભરેલા ટ્રેકટર ચાલકની બહાદુરી જોવા મળી હતી. તેણે હાકલા પડકારા કરી સિંહોના નામ સાથે બોલાવી સિંહોને બિરદાવ્યા હતા. ખેડૂતને રસ્તામાં મળેલા આ સિંહોનો વીડિયો સોશ્યલ મીડિયા પર ખૂબ વાયરલ થઈ રહ્યો છે.

અમરેલી જિલ્લાના ધારી પંથકમાં અવારનવાર સિંહો જોવા મળે છે. ધારી પંથકમાં સિંહો વસવાટ કરે છે. જેના કારણે ઘણી વખત ખેતર અને વાડીમાં કામ કરતા ખેડૂતો સામે સિંહો આવી જતા હોય છે. આ પહેલા પણ રસ્તામાં સિંહો આવી ચડ્યા હોય તેવા અનેક વીડિયો વાયરલ થયા છે.

(1:09 pm IST)
  • લોકડાઉન દરમ્યાન મૂકેશ અંબાણીએ એકઠા કર્યા રૂ. ૬૪૦૦૦ કરોડ : દેશવ્યાપી લોકડાઉન દરમ્યાન એશિયાના સૌથી શ્રીમંત વ્યકિત મુકેશ અંબાણીએ એવું કરી બતાડયું જે અંગે વિશ્વના ટોચના ઉદ્યોગપતિઓ પણ વિચારી ન શકે : લોકડાઉનના ૧ માસમાં તેમણે ૧૦ અબજ ડોલર એટલે કે ૬૪૦૦૦ કરોડ રૂપિયા મેળવ્યા છે આ રકમ તેમણે જિયોપ્લેટફોર્મ માટે મેળવ્યા છે : સર્વત્ર કામકાજ ઠપ્પ હતું ત્યારે તેમણે આ કામ નિપટાવ્યું : અમેરિકી કંપની કેકેઆર એન્ડ કંપનીએ જિયોમાં ૧૧૩.૭ અબજ રૂપિયા રોકવા જણાવ્યું છે તે ર.૩ ટકા હિસ્સેદારી ખરીદી રહ્યું છે : અંબાણીએ માર્ચ સુધીમાં રિલાયન્સને દેવામાંથી મુકત કરવાની જાહેરાત કરી છે access_time 3:25 pm IST

  • ભારે વરસાદ માટે પણ અપાયેલ તાકિદઃ આવતીકાલે પશ્ચિમ બંગાળ, સિકકીમ, આસામ, મેઘાલય અને અરૂણાચલ પ્રદેશમાં ભારે વરસાદની હવામાન તંત્રે આગાહી કરી છે access_time 10:27 am IST

  • જમ્મુમાં ભારે બરફવર્ષા બાદ ૪૧.૫ જેટલી જોરદાર ગરમીનો કહેર : આ વર્ષે રેકોર્ડબ્રેક બરફવર્ષા બાદ જમ્મુમાં હવે ગરમી કહેર વરસાવી રહી છેઃ જમ્મુમાં શુક્રવારે ગુરૂત્તમ તાપમાન ૪૧.૫ ડિગ્રી અને લઘુતમ ૨૨.૨ ડિગ્રી તાપમાન નોંધાયેલ હોવાનું હવામાન ખાતાએ જણાવેલઃ હવામાન ખાતાએ વધુમાં જણાવેલ કે મે ના અંત સુધીમાં જમ્મુમાં તાપમાન ૪૫ ડિગ્રી સુધી પહોંચી શકે છે access_time 3:25 pm IST