Gujarati News

Gujarati News

News of Saturday, 23rd May 2020

જેતપુરના રેશમડી ગાલોળ ગામે દિપડાને પકડવા ગયેલ ફોરેસ્ટ કર્મી ઉપર દિપડાએ જ હૂમલો કર્યો

સરપંચ સહિતના લોકો ફોરેસ્ટ કર્મીને હોસ્પિટલે લઇ ગયાઃ બગલમાં ઉંડો ઘા હોવાથી વધુ સારવાર માટે જુનાગઢ લઇ જવાયા

જેતપુર તા. ર૩ :.. રેશમડી ગાલોળ ગામે દિપડાને પકડવા ગયેલ ફોરેસ્ટર ઉપર દિપડાનો હૂમલો થયાનું બહાર આવેલ છે.

જાણવા મળતી વિગત અનુસાર તાલુકાના રેશમડી ગાલોળ ગામે આવેલ લીંબાભાઇ રામજીભાઇ વઘાસીયાની વાડી પાસે દિપડો હોય તેને પકડવા પાંજરૂ મુકવા માટે સરપંચ ભરતભાઇએ ફોરેસ્ટમાં જાણ કરતા ફોરેસ્ટ વિભાગના કર્મચારી રામજીભાઇ મનજીભાઇ મકવાણા આજરોજ સવારે ત્યાં ગયેલ.દરમિયાન રામજીભાઇ દિપડાની તપાસ કરવા માટે વાડી નજીક જતા દિપડાએ તેની ઉપર હૂમલો કરતા શરીરે અનેક જગ્યાએ ઇજાઓ કરેલ તેથી તેને સરપંચ સહીતના લોકોએ સારવાર માટે જેતપુર સરકારી હોસ્પીટલે લાવવામાં આવતા બગલના ભાગે ઉંડો ઘા લાગલ હોય તેને વધુ સારવાર માટે જુનાગઢ ખસેડેલ છે.સરપંચે વધુ માહીતી આપતા જણાવેલ કે આ દિપડાનો ત્રાસ  ઘણા દિવસથી તેને પકડવા  પાંજરૂ મુકવા માટે બોલાવેલ દિપડો પાંજરે પુરાય તે પહેલા ફોરેસ્ટના કર્મચારી ઉપર જ હૂમલો કરેલો આ વિસ્તારના ખેડૂતો પણ દિપડાના ત્રાસથી ત્રાહીમામ થઇ ગયેલ.

(12:40 pm IST)
  • જમ્મુમાં ભારે બરફવર્ષા બાદ ૪૧.૫ જેટલી જોરદાર ગરમીનો કહેર : આ વર્ષે રેકોર્ડબ્રેક બરફવર્ષા બાદ જમ્મુમાં હવે ગરમી કહેર વરસાવી રહી છેઃ જમ્મુમાં શુક્રવારે ગુરૂત્તમ તાપમાન ૪૧.૫ ડિગ્રી અને લઘુતમ ૨૨.૨ ડિગ્રી તાપમાન નોંધાયેલ હોવાનું હવામાન ખાતાએ જણાવેલઃ હવામાન ખાતાએ વધુમાં જણાવેલ કે મે ના અંત સુધીમાં જમ્મુમાં તાપમાન ૪૫ ડિગ્રી સુધી પહોંચી શકે છે access_time 3:25 pm IST

  • અમદાવાદ કોંગ્રેસના કોર્પોરેટર યશવંત યોગીનો કોરોના રિપોર્ટ પોઝીટીવ access_time 3:49 pm IST

  • આડેધડ લાગુ કરાયેલા લોકડાઉનને કારણે કરોડો લોકોને આર્થિક નુકશાન થયું છે : લોકડાઉનનો હેતુ બર આવ્યો નથી : સંક્રમણ ઘટવાને બદલે વધ્યું છે : 22 વિપક્ષોની બેઠકમાં કોંગ્રેસ અગ્રણી રાહુલ ગાંધીનું મંતવ્ય access_time 12:28 pm IST