Gujarati News

ગારીયાધાર તા.ર૩: ગારીયાધાર શહેર અને આજુબાજુના છેલ્લા બે દિવસથી તીડનો ઠેર-ઠેર ઝુંડમાં ત્રાટકતા વ્યાપક પ્રમાણમાં પાકને નુકશાની થવા પામી છે.

ગારીયાધાર શહેર ઉપરાંત વેળાવદર, સુરભિવાસ, ફાચરીયા, માંગુકા, નાની વાવડી અને મોટા ચારોડિયા ગામો સહિતમાં વ્યાપક પ્રમાણમાં તીડના ઝુંડ જોવા મળ્યા હતા. જેમાં તીડના કારણે ખેડુતોના ઉભેલા બાજરો, મગફળી અને નિરણના પાકોમાં વ્યાપક પ્રમાણમાં નુકશાની જોવા મળી હતી.

જયારે આ બાબતે તાલુકા પંચાયતના  વિસ્તરણ અધિકારી સુરેશભાઇ મકવાણાને જાણ થતા તેમના દ્વારા તમામ ખેડૂતોના પંચરોજકામ કરવામાં આવ્યા હતા.