Gujarati News

Gujarati News

News of Saturday, 23rd May 2020

ગ્રીન ઓરેન્જ ઝોનમાં એકી બેકીના નિયમો દૂર કરવા માંગ

ગઢાળાના સરપંચ દ્વારા મુખ્યમંત્રીને લેખીત રજુઆત

ઉપલેટા તા. ર૩ : સમગ્ર દેશ અને રાજયમાં કોરાના વાયરસના પગલે સરકારશ્રીએ લોકડાઉનની જાહેરાત કરેલ છે. આ લોકડાઉન દરમ્યાન લોકોને પોતાના ધંધા-રોજગાર અને જાહેર જનતાને બંધ પાળી કાયદાની અમલવારી કરાવવામાં આવી રહી છે.

ત્રણ લોકડાઉન પુરા થયા બાદ ચોથા લોકડાઉનમાં થોડી છુટછાટ મળી છે. ત્યારે ગઢાળાના સરપંચ નારણભાઇ આહિરે મુખ્યમંત્રીને સંબોધી જણાવેલ છે કે મોટાઉદ્યોગો અને કરોડપતી લોકોને લોકડાઉનથી કોઇ નુકશાની કે ફર્ક પડેલ નથી પરંતુ નાના શહેરોમાં વસવાટ કરતા મધ્યમ વર્ગીય લોકો અને નાના-મોટા વેપાર કરતા વેપારીઓ છેલ્લા ૬૦ દિવસથી લોકડાઉનનો અમલ કરી પોતાના ધંધા-રોજગાર બંધ પાળી ઘરે બેસી આર્થિક ભીંસ અનુભવી રહ્યા છે.

ચોથા લોકડાઉન દરમ્યાન ગ્રીન અને ઓરેંજઝોનમાં આવતા વિસ્તારોમાં સ્થાનીક અધિકારીઓએ થોડી છુટછાટ સાથે દુકાનદારોને ઓડ અને ઇવનની સીસ્ટમથી દુકાનો બપોરના ૪ વાગ્યા સુધી ખુલ્લી રાખવાની જાહેરાત કરેલ છે.

આ અંગે સરપંચે જણાવેલ છે કે એકી બેકી અને અડધો દિવસની છુટછાટ હોવાથી લોકો ભયના માર્યા વસ્તુ ખરીદવા માટે લાંબી કતારો લગાવે છે. અને સોશ્યલ ડીસ્ટન્સનું પાલન થતું નથી તેથી આવા વિસ્તારોમાં કાયમી ધોરણે વેપારીઓ પોતાની દુકાનો ખોલી સરકારની ગાઇડલાઇન મુજબ વેપાર કરી શકે તે અંગે જણાવેલ હતું.

(12:11 pm IST)
  • મહારાષ્ટ્રમાં આજે એક જ દિવસમાં સૌથી વધુ 2940 કોવિડ -19 કેસ નોંધાયા છે, રાજ્યમાં પોઝિટિવ કેસની કુલ સંખ્યા 44,582 પર પહોંચી છે, જેમાં મુંબઈના ધારાવી વિસ્તારમાં આજે 53 નવા COVID19 પોઝિટિવ કેસ નોંધાયા છે. ધારાવીમાં કુલ પોઝિટિવ કેસ વધીને 1478 અને ધારાવી માજ 57 લોકોના મોત થયા છે: રાજ્ય આરોગ્ય વિભાગ access_time 8:04 pm IST

  • અમદાવાદ કન્ટ્રોલરૂમના ૮ પોલીસ કર્મચારીને એકસાથે કોરોના વળગ્યો : પોલીસ માટે ચોંકાવનારા અહેવાલો : શહેર પોલીસ કમિશ્નર કચેરીમાં ચિંતાની લાગણી પ્રસરી : એક જ શિફટમાં આ આઠે આઠ પોલીસો કામ કરતા હતા access_time 12:39 pm IST

  • જમ્મુમાં ભારે બરફવર્ષા બાદ ૪૧.૫ જેટલી જોરદાર ગરમીનો કહેર : આ વર્ષે રેકોર્ડબ્રેક બરફવર્ષા બાદ જમ્મુમાં હવે ગરમી કહેર વરસાવી રહી છેઃ જમ્મુમાં શુક્રવારે ગુરૂત્તમ તાપમાન ૪૧.૫ ડિગ્રી અને લઘુતમ ૨૨.૨ ડિગ્રી તાપમાન નોંધાયેલ હોવાનું હવામાન ખાતાએ જણાવેલઃ હવામાન ખાતાએ વધુમાં જણાવેલ કે મે ના અંત સુધીમાં જમ્મુમાં તાપમાન ૪૫ ડિગ્રી સુધી પહોંચી શકે છે access_time 3:25 pm IST