Gujarati News

Gujarati News

News of Saturday, 23rd May 2020

જુનાગઢ જિલ્લામાં કોરોનાનો ફુંફાડોઃ વધુ ૬ પોઝીટીવ કેસ

વિસાવદરના બરડીયા ગામે એક સાથે પાંચ વ્યકિતને કેશોદમાં વૃધ્ધને કોરોના

જુનાગઢ તા.ર૩ : જુનાગઢ જિલ્લામાં કોરોનાએ ફુંફાડો મચાવ્યો છે અને આજે નવા ૬ પોઝીટીવ કેસ નોંધાતા ભારે ખળભળાટ સાથે ફફડાટ વ્યાપી ગયો છે.

આજે સવારે ૧૧.રર કલાકે જુનાગઢ જિલ્લા વિકાસ અધિકારી પ્રવિણ ચૌધરીએ જુનાગઢ જિલ્લામાં વધુ ૬ કોરોના પોઝીટીવ કેસ નોંધાયા હોવાનું જણાવ્યું હતું અને આ સાથે જુનાગઢ જિલ્લામાં કોરોના પોઝીટીવ કેસનો આંક વધીને રપ ઉપર પહોંચ્યો છે.

ડી.ડી.ઓ. શ્રી પ્રવિણ ચૌધરીએ વધુમાં જણાવેલ કે આજે આવેલા ૬ પોઝીટીવ કેસમાં વિસાવદર તાલુકાના બરડીયા ગામના પાંચ કેસનો સમાવેશ થાય છે. આ ગામના ૪૮ વર્ષીય મહિલા રર વર્ષીય યુવતી ર૮ વર્ષીય યુવાન, રર વર્ષીય યુવક અને ૧૦ વર્ષના તરૂણનો રિપોર્ટ પોઝીટીવ આવ્યો છે.

કેશોદના પ૮ વર્ષીય પુરૂષનો રિપોર્ટ આજે પોઝીટીવ આવતા કેશોદ શહેરના કોરોના કેસની સંખ્યા વધીને ૬ ઉપર પહોંચી ગઇ છે.

વિસાવદરના  બરડીયા ગામે આજે નોંધાયેલા પાંચ પોઝીટીવ કેસના દર્દીઓ મહારાષ્ટ્રના દહીશરથી આવેલા અને એક જ ડેલામાં રહે છે.

જયારે કેશોદમાં આજે નોંધાયેલ પોઝીટીવ કેસમાં દર્દીનો પરિવાર લોકડાઉન સમયે અમદાવાદ ખાતે ફસાય ગયો હતો. ૯ મે ના રોજ આ દર્દી તેમના પત્ની અને પુત્રને અમદાવાદ ખાતે લેવા માટે ગયા હતા અને ૧ર મે ના રોજ પરત આવેલ ત્યારથી તેઓ હોમ કોરન્ટાઇનમાં હતાં.

આમ જુનાગઢ જિલ્લામાં આજે કોરોના પોઝીટીવના વધુ ૬ કેસ નોંધાતા કુલ કેસ વધીને રપ થયેલ છે અને સબંધીત વિસ્તારોમાં આરોગ્યલક્ષી કામગીરી વધુ  સઘન બનાવવામાં આવી છે.

(12:47 pm IST)
  • બ્રાઝિલ અને રશિયામાં સ્થિતિ કાબૂ બહાર: સાઉદી અરેબિયા અને યુએઈ-દુબઈમાં ઈદના દિવસે પણ મસ્જિદો બંધ રહેશે બ્રાઝિલમાં ૨૪ કલાકમાં 1188 મોત.: કોરોનાના કેસ ૨૪ કલાકમાં ૧૮,૫૦૦ નોંધાયા કુલ મૃત્યુ 20 હજાર ઉપર : રશિયામાં પણ એક જ દિવસમાં 150 મોત અને નવા 9 હજાર કેસ નોંધાયા છે access_time 11:53 pm IST

  • રાજયમાં લોકડાઉન-૪માં આંશિક રાહતથી રોજગારી શરૂ : રાજયના ૩ લાખ ઉદ્યોગો ધમધમતા થયાઃ રપ લાખની રોજગારી શરૂ : અશ્વિનકુમારની જાહેરાત access_time 5:25 pm IST

  • ભારતમાં કોરોનાએ ભરડો લીધો : સંક્રમિતની સંખ્યામાં ઝડપી વધારો : છેલ્લા 24 કલાકમાં 6663કેસ વધ્યા : રાત્રે 12 વાગ્યા સુધીમાં દેશમાં કોરોનાના 1, 31,423 કેસ નોંધાયા : 73,162 એક્ટિવ કેસ : 54,385 દર્દીઓ રિકવર થયા ; વધુ 142 લોકોના મોત સાથે મૃત્યુઆંક 3868 થયો :મહારાષ્ટ્રમાં સૌથી વધુ નવા 26080 કેસ અને તામિલનાડુમાં 759 કેસ વધ્યા :દિલ્હીમાં 591 નવા કેસ નોંધાયા access_time 12:39 am IST