Gujarati News

Gujarati News

News of Saturday, 23rd May 2020

સુરેન્દ્રનગરમાં કવોરન્ટાઇનના નામ લખાવવા મામલે બઘડાટીઃ ત્રણને ઇજા

બોટાદથી પત્નિ આફરીનને લઇ સાસુ ફરઝાનાબેનને ત્યાં ઇદ કરવા આવેલા દર્શન દવે સહિતની આરોગ્ય કર્મચારીઓ નોંધ કરવા આવ્યા ત્યારે યુનુસભાઇએ ડખ્ખો કર્યો

રાજકોટ તા. ૨૩: સુરેન્દ્રનગર ડંકીવાળી  શેરી જીલ્લા પંચાયત સામે રહેતાં ફરઝાનાબેન રહિમભાઇ પઠાણ (ઉ.૪૩) પર પડોશી યુનુસભાઇ સહિતનાએ પાઇપથી હુમલો કરી ઇજા કરતાં સારવાર માટે રાજકોટ સિવિલ હોસ્પિટલમાં ખસેડાયા છે. વચ્ચે પડેલા તેના દિકરી આફરીન તથા જમાઇ દર્શન રમેશભાઇ દવેને પણ ઇજા થઇ હતી.જમાઇ દર્શનના કહેવા મુજબ તેણે લોકડાઉનના થોડા દિવસ પહેલા જ ફરઝાનાબેનની દિકરી આફરીન સાથે લવમેરેજ કર્યા છે. રમઝાન ઇદ કરવા પોતે પત્નિ આફરીનને લઇને સાસુ ફરઝાનાબેનના ઘરે આવ્યા હતાં. બહારગામથી આવ્યા હોઇ આરોગ્ય કર્મચારીઓ કવોરન્ટાઇન માટે નામ નોંધણી કરવા આવ્યા હતાં. આ વખતે પડોશી યુનુસભાઇએ આવી નામ લખાવતી વખતે વચ્ચે-વચ્ચે બોલતાં ફરઝાનાબેને તમે શું કામ વચ્ચે બોલો છો, નામ અમે લખાવી દઇશું તેમ કહેતાં તેના સહિતનાએ ઉશ્કેરાઇ જઇ હુમલો કર્યો હતો. તેમ દર્શન દવેએ જણાવ્યું હતું. હોસ્પિટલ ચોકીના સ્ટાફે સુરેન્દ્રનગર એ-ડિવીઝન પોલીસને જાણ કરી હતી.

(11:38 am IST)
  • અમદાવાદ કન્ટ્રોલરૂમના ૮ પોલીસ કર્મચારીને એકસાથે કોરોના વળગ્યો : પોલીસ માટે ચોંકાવનારા અહેવાલો : શહેર પોલીસ કમિશ્નર કચેરીમાં ચિંતાની લાગણી પ્રસરી : એક જ શિફટમાં આ આઠે આઠ પોલીસો કામ કરતા હતા access_time 12:39 pm IST

  • ઉત્તરાખંડના ૧૩માંથી ૧૦ જીલ્લા કોરોનાની હડફેટેઃ પિથૌરાગઢ- રૂદ્રપ્રયાગ-ચંપાવત એ ૩ જીલ્લા ઉપર હવે નજર ન લાગે તો સારૃં: પ્રવાસીઓ બીજા રાજયોમાંથી સતત પાછા ફરી રહયા હોય આ ત્રણ જીલ્લામાં પણ કોરોના ટકોરો કયારે મારશે તે કહી શકાય નહિ access_time 10:29 am IST

  • ઓસમાણ મીરનો જન્મદિવસઃ શુભેચ્છાવર્ષાઃ સુપ્રસિધ્ધ ગુજરાતી લોકગીત ગાયક- સ્વર સમ્રાટ ઓસમાણ મીરનો જન્મદિવસ ગઇકાલે હતો અનેક મિત્રો, શુભેચ્છકોએ અભિનંદન વર્ષા કરી હતીઃ આંધ્રપ્રદેશના રાજયસભાના સભ્ય શ્રી પરિમલ નથવાણીએ તેમના ટવીટર હેન્ડલ ઉપર ઓસમાણભાઇને શુભેચ્છા પાઠવી હતી access_time 10:26 am IST