Gujarati News

Gujarati News

News of Tuesday, 23rd February 2021

વેરાવળના ભીડીયા સંયુકત કોળી સમાજ આયોજીત સર્વરોગ નિદાન કેમ્પ સંપન્ન : ૫૦૦ થી વધુ દર્દીઓએ લાભ લીધેલ

પ્રભાસપાટણ : વેરાવળના ભીડીયા મુકામે ભીડીયા સંયુકત કોળી સમાજ આયોજીત સર્વરોગ નિદાન કેમ્પ યોજાયો હતો. આ ફ્રી નિદાન કેમ્પમાં વિવિધ રોગોના ૫૦૦ થી વધુ દર્દીઓએ લાભ લીધેલ હતો. જય અંબે મલ્ટીસ્પેશ્યાલીટી હોસ્પિટલ ચાંપરડાના તમામ રોગના નિષ્ણાંત ડોકટરોની ટીમ પધારેલ હતી જેમાં ડો.ખ્યાતી વસાવડા, ડો.વિજય જલવાણીયા, ડો.ધીરજ સાખરે, ડો.જયમીન પટેલ, ડો.રાહુલ રાઠોડ, ડો.મિરલ જાદવ, ડો.દર્શન ગોસ્વામી, ડો.પ્રિયા ગોંડલીયા, ડો.પાયલ જલગરીયા, ડો.મનીષા સિંઘાણી અને ડો.રક્ષીત પીપલીયા સહિતના વિવિધ રોગોના નિષ્ણાંત ડોકટરોની ટીમ પધારેલ હતી અને આવેલ દર્દીઓનુ નિદાન અને સારવાર કરવામાં આવેલ. આ કેમ્પ પુર્ણ થયા બાદ તમામ ડોકટરો અને તેમની ટીમનું ભીડીયા સંયુકત કોળી જ્ઞાતિના પટેલ રમેશભાઇ બારૈયા અને સમાજના તમામ આગેવાનો દ્વારા સોમનાથ મહાદેવનો ફોટો આપી અને સન્માન કરેલ હતુ. આ કાર્યક્રમને સફળ બનાવવામાં પટેલ રમેશભાઇ બારૈયાના માર્ગદર્શન હેઠળ સમાજના આગેવાનો અને યુવાનોએ જહેમત ઉઠાવી હતી.(તસ્વીર : દેવાભાઇ રાઠોડ)

(11:57 am IST)
  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST

  • મહાભારતના સુપ્રસિદ્ધ પાત્ર કર્ણ ઉપર "સૂર્યપુત્ર મહાવીર કર્ણ" ફિલ્મ બની રહી છે જે ના ગીત અને સંવાદ ડોક્ટર કુમાર વિશ્વાસ લખવાના છે access_time 12:07 am IST

  • દેશમાં કોરોનાના ધીમીગતિએ વધતા કેસ :રાત્રે 12 વાગ્યા સુધીમાં કોરોનાના નવા 13,462 કેસ નોંધાયા :કુલ કેસની સંખ્યા 1,10,29,326 થઇ :એક્ટિવ કેસ 1,44,027 થયા: વધુ 13,659 દર્દીઓ સ્વસ્થ થતા કુલ 1,07,24,146 થયા :વધુ 100 લોકોના મોત સાથે કુલ મૃત્યુઆંક 1,56,598 થયા access_time 9:01 am IST