Gujarati News

Gujarati News

News of Tuesday, 23rd February 2021

મોરબીના ઘુનડામાં ૨૦૦ ઘેટાના મોત સીપોકસ રોગનાં કારણે થયાનું તારણ

ઘણા સમય બાદ આ રોગે ફરી દેખા દેતા પશુઓમાં રસીકરણ કરાશે

(પ્રવિણ વ્યાસ દ્વારા)મોરબી,તા. ૨૩: નજીકના ઘુનડા ગામે રહેતા માલધારી પરિવાર પાસેથી પ્રાપ્ત વિગતો મુજબ ઘુનડા ગામે રહેતા માલધારીઓમાંથી છ થી સાત જેટલા માલધારીઓના ઘેંટા છેલ્લા ૧૫ દિવસથી મૃત્યુ પામી રહ્યા છે ૧૫ દિવસમાં ૨૦૦ જેટલા ઘેટાના મોત થયા હોવાની માહિતી માલધારી અગ્રણી વાલાભાઈ રબારી પાસેથી પ્રાપ્ત થઇ છે ઘેટાને કોઈ રોગચાળો લાગુ પડ્યું હોય તેમ એક બાદ એક દ્યેટા મૃત્યુને ભેટી રહ્યા છે જે બનાવને પગલે માલધારી પરિવારોએ પશુ ડોકટરને જાણ કરતા આજે મોરબીથી પશુ ડોકટરની ટીમ દોડી ગઈ હતી અને સ્થળ પર પહોંચી તપાસ હાથ ધરી હતી.

મોરબીના પશુ ડોકટર અમિત કાલરીયાની ટીમે ગામની મુલાકાત લીધી હતી તો રોગચાળા અંગે જણાવ્યું હતું કે દ્યેટાઓને સીપોકસ નામનો રોગ થયાનું જાણવા મળ્યું છે જે વાયરલ ઇન્ફેકશન છે જેની રસી પણ ઉપલબ્ધ છે જેથી રસીકરણ કરવામાં આવશે તેમ જણાવ્યું હતું તો ગ્રામજનો પાસેથી એકત્ર કરેલ માહિતી પ્રમાણે છેલ્લા ૭ દિવસના ગાળામાં આજના સહીત ૧૦૦ થી ૧૨૫ ઘેટાના મોત થયાનું જણાવ્યું હતું ઘેટાઓને જે સીપોકસ રોગ લાગુ પડ્યો છે તે ઘણા સમય બાદ ફરી દેખાયો હોવાનું પણ પશુ ડોકટરે જણાવ્યું હતું.

(10:12 am IST)
  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST

  • ભારત- ઇંગ્લેન્ડ વ્હાઇટ બોલ સિરીઝમાં દિનેશ કાર્તિક બનશે કોમેન્ટેટર : તમિલનાડુના બેટ્સમેન દિનેશ કાર્તિક ભારત – ઈંગ્લેન્ડ વચ્ચે વ્હાઇટ બોલ સિરીઝમાં કોમેન્ટ્રી કરશે : 5 ટી -20 અને ત્રણ ત્રિદિવસીય મેચમાં કોમેન્ટ્રી કરશે જે 12મી માર્ચથી શરૂ થશે access_time 11:08 pm IST

  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST