Gujarati News

Gujarati News

News of Tuesday, 23rd February 2021

અગીયાર માસથી બંધ રહેલી મહુવા-બાંદ્રા ટ્રેઇન બુધવારથી શરૂ થશે

મુંબઇથી દર બુધવારે અને શુક્રવારે જયારે મહુવાથી દર ગુરૂવારે અને શનિવારે ઉપડશે

(દિપક પાંધી દ્વારા) સાવરકુંડલા, તા. ર૩ :  ભારતમાં ગયા વર્ષે કોરોનાં મહામારીની ફેબ્રુઆરી માસમાં શરૂઆત થયા બાદ રર માર્ચ-ર૦ર૦ થી સમગ્ર દેશમાં રેલ્વે -વ્યવહાર બંધ કરી દેવામાં આવ્યો હતો. બાદમાં કોરોના મહામારી હળવી થતા સરકાર દ્વારા ધીરેધીરે સમગ્ર વ્યવસ્થા શરૂ કરાઇ રહી છે. તેમાં રેલ્વે વ્યવહાર હજી સુધી બંધ હતો તે આગામીના ર૪-ર થી આંશિક રીતે અમરેલી ભાવનગર જીલ્લાથી મુંબઇ સુધી શરૂ થઇ રહ્યો છે. રેલ્વે તંત્રના સુત્રોમાંથી મળતી માહિતી મુજબ તા. ર૪-રને બુધવારથી બાંદ્રથી મહુવા ટ્રેનઇ શરૂ થશે જે દર અઠવાડીયો બેટ્રીપ બુધવાર અને શુક્રવારની કરશે, તે જ રીતે મહુવાથી દર ગુરૂવાર અને શનિવારે બાંદ્ર તરફ જશે આ બન્ને ટ્રેઇનો સાવરકુંડલા ખાતે બુધવાર અને શુક્રવારે સવારે પ-૧પ કલાકે મહુવા તરફ જશે જયારે દર ગુરૂવાર અને શનિવારનાં રોજ રાત્રે સાવરકુંડલાથી મુંબઇ તરફ માટે રાત્રે ૮-૧૦ કલાકે જશે. બન્ને ટ્રેઇનમાં મુસાફરી માટે રીઝર્વેશન ફરજીયાત કરાવવાનું રહેશે. લાંબા સમય બાદ મહુવા-બાંદ્ર વચ્ચે ટ્રેઇન વ્યવહાર શરૂ થઇ રહ્યો હોય મહુવા -રાજુલા-સાવરકુંડલા અમરેલી પંથકના મુસાફરોને અમદાવાદ-વડોદરા- સુરત અને મુંબઇ જવા માટે સુવિધા મળતા મુસાફરો જનતામાં આનંદ ફેલાયો છે.

(10:08 am IST)
  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST

  • સુરતમાં ૧૨૦ બેઠકમાંથી ભાજપ ૫૫ બેઠક ઉપર જીત મેળવી ચૂકયુ છે : ૧૯ બેઠકમાં આગળ છે : ‘આપ’ પાર્ટીએ ૨૫ બેઠક મેળવી ભાજપના પગે પાણી લાવી દીધા : ગજબની રસાકસી : કોંગ્રેસનું નામો નિશાન ભૂંસાઈ ગયું : પાટીદાર ફેક્ટરે મોટો અપસેટ સર્જયો access_time 4:45 pm IST

  • કોંગ્રેસ પ્રમુખ અમિત ચાવડાના કૌટુંબિક ભાઈ પ્રશાંત ચાવડાએ ભગવો ધારણ કર્યો, રાજ્યસભાના પૂર્વ સાંસદ લાલસિંહ વડોદીયાએ આણંદમાં ખેસ પહેરાવી કર્યું સ્વાગત access_time 1:05 am IST