Gujarati News

Gujarati News

News of Saturday, 23rd January 2021

પૂર્વ અને પશ્ચિમ કચ્છના રણકાંધીના ગામોમાં કપાસ જેવો પદાર્થ વરસતા કૌતુક સાથે ભય

ફાયર જેટ વિમાનોની ધણધણાટી બાદ કપાસ જેવો પદાર્થ વરસ્યો : સતત આંચકાઓ વચ્ચે લોકોમાં ચિંતા

(વિનોદ ગાલા દ્વારા) ભુજ તા. ૨૩ : પૂર્વ અને પશ્ચિમ કચ્છના રણકાંધીના ગામોમાં ગઇકાલે વરસેલા કપાસ જેવા પદાર્થને કારણે લોકોમાં કૌતુક સાથે ભય ફેલાયો છે. બપોરે એકાદ વાગ્યાના સમયે આકાશમાં બે ફાયર જેટ વિમાનોની ધણધણાટી ના અવાજ બાદ આકાશમાંથી કપાસ જેવો ચીકણો પદાર્થ લોકોના ઘરો, જમીન, ઝાડ અને પશુઓ ઉપર વરસ્યો હતો.

પશ્ચિમ કચ્છના રણ વિસ્તારમાં આવેલા સુમરાપોર અને પૂર્વ કચ્છના રણ વિસ્તારમાં આવેલા ખડીર આસપાસના ગામોમાં વરસેલા કપાસ જેવા પદાર્થને હાથમાં મસળતાં જ તે રેતી જેવો થઇ જતો હતો.

૩૫ થી ૪૦ કીમી વિસ્તારમાં ઉડેલા આ રૂ.ના ફોરા જેવા પદાર્થનું કારણ જેટનો ધુમાડો, ઝાકળનો વરસાદ અથવા તો કંપનીઓના પોલ્યુશનનો ધુંવો હોવાના તર્ક વિતર્કો વચ્ચે આ બાબતથી વહીવટીતંત્ર અજાણ રહ્યું હતું.

(11:34 am IST)
  • અમેરિકન બ્રોડકાસ્ટિંગ લિજેન્ડ લેરી કિંગનું લોસ એન્જલસમાં સીડર-સિનાઈ મેડિકલ સેન્ટરમાં નિધન થયું છે. અહેવાલ મુજબ તેઓને COVID19 પોઝિટિવ આવતા હોસ્પિટલમાં દાખલ કરાયા હતા. તેઓ 87 વર્ષના હતા. access_time 7:03 pm IST

  • અમદાવાદમાં પણ સવારે ધુમ્મસભર્યું વાતાવરણઃ અમદાવાદ-વડોદરા એકસપ્રેસ હાઇવે ઉપર વાહન ચાલકોને લાઇટો ચાલુ રાખવાની ફરજ પડી : રાજકોટઃ સૌરાષ્ટ્ર સહિત ગુજરાતભરમાં છેલ્લા બે-ત્રણ દિવસથી સવારે ઝાળકવર્ષા જોવા મળે છે. દરમિયાન આવે વ્હેલી સવારે અમદાવાદમાં ગાઢ ધુમ્મસ જોવા મળેલ તો અમદાવાદ એકસપ્રેસ હાઇવે ઉપર ધુમ્મસના પગલે વાહનચાલકોને ભારે પરેશાનીનો સામનો કરવો પડયો હતો. લાઇટો ચાલુ રાખી ધીમી સ્પીડે કાર ચાલકો વાહન ચલાવતા જોવા મળ્યા હતા. access_time 11:33 am IST

  • યુવાઓને વધુને વધુ ટિકીટ આપવામાં આવશે : સી.આર. પાટીલ : ભાજપમાં યુવાઓને વધુ ટીકીટ અપાશે તેવા સંકેત પ્રદેશ પ્રમુખ સી.આર.પાટીલે આપ્યો છે : ૫૫થી વધુ ઉંમરના લોકો ટીકીટ ન માંગે તેમ જણાવી ટીકીટ માટે તૈયારીઓ કરી રહેલા સીનીયર કાર્યકર્તાઓને સંકેત આપ્યો હતો access_time 12:52 pm IST