Gujarati News

રાજકોટ તા.૨૩: રાજકોટ સહિત સૌરાષ્ટ્ર-કચ્છમાં સર્વત્ર કડકડતી ઠંડીનો માહોલ બરાબરનો જામ્યો છે અને લઘુતમ તાપમાનનો પારો પ ડિગ્રીથી નીચે પહોંચી જતા લોકોને શિયાળાનો અનુભવ થવા લાવ્યો છે. અને ગરમ વસ્ત્રો પહેરીને ઘરની બહાર નીકળવું પડે છે. જયારે ઠંડીથી બચવા માટે તાપણાનો પણ સહારો લોકો લઇ રહયા છે.

ઠંડીથી બચવા માટે મોડી રાત્રીના રસ્તાઓ સુમસામ બની જાય છે. અને લોકો ઘરની બહાર નીકળવાનું ટાળે છે.

આજે નલીયામાં ૬.૮, ગિરનાર પર્વત ૧૦.ર, ગાંધીનગર ૧૧.૦, જામનગર ૧૧.ર, રાજકોટ ૧૧.પ, અમરેલી ૧૩.૭ ડિગ્રી લઘુતમ તાપમાન નોંધાયું છે.

જૂનાગઢમાં બર્ફિલું વાતાવરણ

જૂનાગઢમાં આજે સવારથી બર્ફિલું વાતાવરપને લઇ જનજીવનને અસર થઇ હતી.

છેલ્લા બે દિવસથી હવામાનમાં આવેલા ફેરફારનાં કારણે લઘુતમ તાપમાનમાં વધારો થયો છે. જેના કારણે એકંદરે ઠંડી ઘટી છે પરંતુ વાતાવરણમાં ભેજ ઘટતા બર્ફિલું વાતાવરણ થઇ ગયું છે.

સવારે જૂનાગઢનું લઘુતમ તાપમાન ૧૫.ર ડિગ્રી રહયું હતંુ. પરંતુ વાતાવરણમાં ભેજનું પ્રમાણ ઘટીને ૫૩ ટકા થઇ જતાં ટાઢોડુ છવાય ગયું હતું.

ગિરનાર પર્વત પર આજે ૧૦.ર ડિગ્રી ઠંડી રહી હતી. સવારે ૫.૯ કિ.મીની ઝડપે ઠંડો પવન ફુંકાતા લોકો ઠુઠવાય ગયા હતા.

જામનગર

જામનગરઃ શહેરનું હવામાનઃ મહતમઃ ૨૪.પ, લઘુતમ : ૧૧.ર, ભેજ : ૭૭ ટકા રહયો છે.(૧.૭)