Gujarati News

સુરેન્દ્રનગર, તા.૨૧ : સુરેન્દ્રનગર જિલ્લાના રણ પ્રદેશમાં કમોસમી વરસાદ વરસ્યો હતો. જેથી રણમાં મીઠું પકવતા અગરિયાઓની હાલત કફોડી બની હતી. રણમાં કમોસમી વરસાદના પગલે અગરિયાઓની સોલર પેનલ પાણીમાં ડૂબી હતી. ધ્રાંગધ્રાના રણ કોપરાણી એજારના રણથી માંડી છેંક હળવદના ટીકર સુધીના રણમાં અગરિયાની વિકટ પરિસ્થિતિ જોવા મળી હતી. અગરિયાઓની સોલર પેનલથી માંડીને તમામ સાધનસામગ્રી પાણીમાં ડૂબતા મીઠું પકવતા અગરિયાઓનું એકથી દોઢ મહિનાનું ગારા કામ ફેઇલ ગયું હતી. જેથી એમની હાલત પડ્યાં પર પાટુ મારવાના ઘા જેવી કફોડી બની છે. હળવદ પંથકમાં શુક્રવારે પડેલા કમોસમી વરસાદે રણકાંઠાના એક ડઝન ગામોના અગરિયાઓની હાલત બગાડી નાખી છે ખાસ તો મીઠું પકવવા માટે ઇલેક્ટ્રિક મોટર ચાલુ કરવા માટે વપરાતા હઝારો સોલાર ઉપર પાણી ફ્રી વળ્યું છે .

    જ્યારે કુવા માં પાણી ખેંચવાની અનેક ઇલેક્ટ્રિક મોટરો પણ બરી જતા હાલ તો અગરિયાઓ ને પડયા ઉપર પાટુ જેવી હાલત થઈ છે. એક મહિના પહેલા મીઠાની ખેતી માટે જમીન સમતર અને કડક બનાવી પાળા તૈયાર કરવા માટે અગરિયાઓએ પૈસાનો ઉપાડ લઈ મીઠાની ખેતીની તૈયારીઓ ચાલુ કરી હતી, ત્યાં જ કમોસમી વરસાદે તમામ પાળાઓ સાફ્ કરી નાંખ્યા હતા. જેથી હવે ફ્રી પાણી સુકાયા બાદ પુનઃ પાળા બાંધવાની કાર્યવાહી કરવી પડશે. મીઠાની ખેતી માટે કુવામા મૂકેલી મોટર વડે પાણી ખેંચવા માટે સોલારનો ઉપયોગ કરવામાં આવે છે ત્યારે હાલ પડેલા કમોસમી વરસાદે મોટાભાગની તમામ સોલાર પેનલો હાલ પાણીમાં ગરકાવ થઈ જતા મોટું નુકસાન વેઠવાનો વારો આવ્યો છે, સાથે સાથે પાણી ખેંચવાની મોટરો પણ વરસાદી પાણીથી બળી ગઈ હોવાનું જાણવા મળ્યું છે. અગરિયા પરિવારના એક શ્રામજીવીના જણાવ્યા મુજબ સોલાર પેનલની ખરીદી માટે સરકારે સબસીડી આપી છે સાથે વીમા કંપની વીમો લેવાની ભલામણ કરે છે પણ અમુક અગરિયાઓ સોલાર માટે વીમો ઉતરાવે છે. જ્યારે કેટલાક વીમો ઉતરાવતા નથી, આવા પરિવારો માટે મસમોટો ખર્ચ કરીને ફ્રી નવી સોલારની ખરીદી કરવાની નોબત આવી છે.