Gujarati News

Gujarati News

News of Friday, 22nd November 2019

સુરેન્દ્રનગર દૂધરેજ નગરપાલિકા વિસ્તારમાં ગંદકી-રોગચાળા સામે કોંગ્રેસ દ્વારા હલ્લાબોલ

રામધૂન બોલાવી સાત દિવસમાં અનુભવી સેનીટરી ઇન્સપેકટર મુકવા માંગ

વઢવાણ, તા.૨૨: સુરેન્દ્રનગર દુધરેજ નગરપાલિકા દ્વારા તમામ શહેરી વિસ્તારમાં રોડ રસ્તા પાણી સફાઈ સહિતની પ્રાથમિક સુવિધાઓ પુરી પાડવામાં આવે છે પરંતુ પાલિકામાં કવોલીફાઈડ સેનીટેશન ઈનસ્પેકટર ન હોવાથી ઠેરઠેર ગંદકી અને રોગચાળો ફેલાઈ રહ્યો છે. જેને ધ્યાને લઈ શહેર કોંગ્રેસ સમિતિ દ્વારા પાલિકા કચેરીએ હલ્લાબોલ કર્યો હતો અને રામધુન બોલાવી રોષ દાખવ્યો હતો.

આ અંગે સુત્રો પાસેથી મળતી માહિતી મુજબ સુરેન્દ્રનગર પાલિકાના અનેક વિસ્તારોમાં હાલ રોગચાળો ફેલાઈ રહ્યો છે તેમજ ગંદકીના કારણે ઠેરઠેર ડેન્ગ્યુ, મેલેરીયા સહિતના રોગોએ દેખા દીધી છે જે અંગે રજુઆતો કરવા છતાં કોઈ જ ઉકેલ આવ્યો નહોતો. જયારે હાલ પાલિકામાંઙ્ગ સેનીટેશન વિભાગનાં ઈનસ્પેકટર તરીકે અનકવોલીફાઈડ વ્યકિતને જવાબદારી સોંપવામાં આવી હોય સુરેન્દ્રનગરની પ્રજાને ગંદકીનો સામનો કરવો પડી રહ્યો છે.

 આથી કવોલીફાઈડ વ્યકિતની સેનીટેશન ઈનસ્પેકટર તરીકે નિમણુંક કરવામાં આવે અને હાલ ફરજ બજાવી રહેલ ઓછી લાયકાતવાળા વ્યકિતને દુર કરી નિયમ મુજબ કવોલીફાઈડ વ્યકિતની નીમણુંક કરવાની માંગ કરી હતી તેમજ આગામી સાત દિવસમાં આ અંગે કોઈ જ ઉકેલ નહિં આવે તો ઉગ્ર આંદોલન કરવાની ચીમકી પણ ઉચ્ચારી હતી.

 પાલિકા કચેરી ખાતે ચીફ ઓફીસર કે પાલિકા પ્રમુખ સહિતના ઉચ્ચ અધિકારીઓ હાજર ન મળતાં રાહ જોયા બાદ છેવટે પાલિકાના સ્ટાફને આવેદન પત્ર પાઠવવામાં આવ્યું હતું. આ તકે કોંગ્રેસના કમલેશભાઈ કોટેચા, રોહીત પટેલ, મહેબુબખાન મલેક, સાહીર સોલંકી, અલ્પેશ ગાબુ સહિતનાઓ ઉપસ્થિત રહ્યાં હતાં.(૨૩.૧૭)

(1:04 pm IST)
  • સિયાચીનને પર્યટકો માટે ખોલવાના ભારતના નિર્ણંયથી પાકિસ્તાન ફફડ્યું : પાકિસ્તાને ફરીવાર કાશ્મીર રાગ આલાપ્યો : આર્ટિકલ 370 હટાવ્યા બાદથી નિવેદનબાજી કરતા પાકિસ્તાને ફરીવાર ભારત સામે ઝેર ઓક્યું : વિશ્વના સૌથી ઉંચા યુદ્ધ ક્ષેત્ર મનાતા સિયાચીનને પર્યટકો માટે ખુલ્લું મુકાવા માટે પાકિસ્તાને વાંધો ઉઠાવ્યો :પાકિસ્તાનના વિદેશ મંત્રાલયના પ્રવક્તા ડો,મોહમ્મ્દ ફૈઝલે કહ્યું કે સિયાચીન વિવાદી ક્ષેત્ર છે ત્યારે ભારત પર્યટકો માટે કેમ ખોલી શકે ? ફોટો siyachin access_time 1:05 am IST

  • દેશ છોડી ભાઈ ગયો વિવાદી બાબા નિત્યાનંદ : બાળકોના અપહરણનો આરોપી નિત્યાનંદ ફરાર થયો :અમદાવાદના હાથીજણમાં નિત્યાનંદના આશ્રમમાં પોલીસનું સર્ચ ઓપરેશન : 43 ટેબ્લેટ,14 લેપટોપ અને પેનડ્રાઈવ જપ્ત : મોબાઈલનો લોક ખોલવાની ના પડતા એફએસએલ તપાસમાં મોકલાશે access_time 1:13 am IST

  • મમતા બનર્જી અને શેખ હસીના વચ્ચે દ્વિપક્ષીય મુદ્દા પર વાતચીત : તિસ્તા નદી પર પાણીની વહેંચણી મુદ્દે સસ્પેન્સ : બાંગ્લાદેશના પ્રધાનમંત્રી શેખ હસીના અને પશ્ચિમ બંગાળના મુખ્યમંત્રી મમતા બેનર્જી સાથે એક કલાક ચર્ચા કરી : આ દરમિયાન બંનેએ દ્વિપક્ષીય મુદા પર ચર્ચાઓ કરી હતી access_time 1:11 am IST