Gujarati News

ભુજ  તાલુકાના ગજોડ ગામે આવેલી સુમિટોમો કંપનીમાં કામ કરતાં એક કર્મચારીનું શંકાસ્પદ રીતે મોત થતાં લોકોમાં રોષ ફેલાયો છે. કંપનીના કચરાપેટીમાંથી ઉદ્ભવેલા ઝેરી ગેસ શ્વાસમાં ગયા હોવાથી કર્મચારીનું મોત થયું હોવાનો લોકોએ આક્ષેપ કર્યો છે. ઘટના બાદ કંપની દ્વારા હતભાગીને તાત્કાલિક હોસ્પિટલ ખસેડવામાં ન આવ્યો હોવાનો પણ આક્ષેપ કરાયો હતો. હતભાગીના પત્નીનું પણ આઘાત લાગવાથી મોત નીપજ્યું હતું.