Gujarati News

Gujarati News

News of Tuesday, 22nd October 2019

મોરબીમાં નવલખી ફાટક પાસે પડી જતાં કોળી પ્રોૈઢ હસમુખભાઇનું મોત

રાજકોટ તા. ૨૨: મોરબીમાં માધાપર રેલ્વે સ્ટેશન પાસે રહેતાં હસમુખભાઇ ગંગારામભાઇ વિંજવાડીયા (ઉ.૫૦) નામના કોળી પ્રોૈઢ ગત રાતે નવેક વાગ્યે નવલખી ફાટક પાસેથી ઇજાગ્રસ્ત મળતાં સારવાર માટે રાજકોટ સિવિલ હોસ્પિટલમાં ખસેડાયા હતાં. પરંતુ અહિ મોત નિપજ્યું હતું.

પ્રારંભે કોઇ વાહને ઠોકરે લીધાનું પરિવારજનોને જણાયું હતું. પરંતુ તપાસ થતાં તે પડી જતાં ઇજા થયાનું સામે આવ્યું હતું. હસમુખભાઇ ભંગાર વીણવાનું કામ કરતાં હતાં. તે ત્રણ બહેનના એકના એક ભાઇ હતાં. સંતાનમાં એક પુત્રી અને બે પુત્ર છે. બનાવથી પરિવારમાં શોક છવાઇ ગયો હતો. હોસ્પિટલ ચોકીના રાજુભાઇ ગીડા અને રવિભાઇએ મોરબી પોલીસને જાણ કરી હતી.

(1:01 pm IST)
  • આંધ્રના નેલોરથી કાવેલી વચ્ચે ભારે વરસાદ પડશે : લો પ્રેસર પશ્ચિમને બદલે ઉત્તર તરફ આગળ વધ્યું છે. પરીણામે દક્ષિણ આંધ્ર પ્રદેશમાં નેલોરથી કાવેલી સુધી ભારે વરસાદની આગાહી થઇ છે. ચેન્નાઇમાં હળવાથી મધ્યમ વરસાદની આગાહી થઇ છે. બંગાળના અખાતથી સીસ્ટમ્સ આંધ્રના કાંઠે ભારે વરસાદ લાવશે. access_time 12:54 pm IST

  • જૂનાગઢ મહાનગરપાલિકાની વોર્ડ ન, 3 ની પેટા ચૂંટણીમાં 38,42 ટકા મતદાન થયું : દિવાળી તહેવારોને કારણે મતદારોમાં નીરસતા : access_time 3:35 pm IST

  • કેનેડામાં જસ્ટિન ટ્રૂડોની સરકારને બહુમતી મેળવવા હવે માત્ર 15 બેઠકનું છેટું : ટ્રૂડોની લિબરલ પાર્ટી 338 માંથી 155 બેઠક ઉપર અને વિરોધી કન્ઝર્વેટિવ પાર્ટી 122 બેઠક ઉપર આગળ : ભારતીય મૂળના શીખ આગેવાન જગમિત સિંઘની પાર્ટી ચોથા ક્રમે access_time 12:55 pm IST