Gujarati News

Gujarati News

News of Tuesday, 22nd October 2019

સવારે ઠંડક સાથે વાદળછાંયુ વાતાવરણઃ જુનાગઢમાં કમોસમી વરસાદની સંભાવના

રાજકોટ તા. રરઃ રાજકોટ સહિત સૌરાષ્ટ્ર-કચ્છમાં સર્વત્ર મિશ્ર વાતાવરણનો માહોલ યથાવત છે.

આવા હવામાન સાથે છેલ્લા બે-ત્રણ દિવસથી બપોરના સમયે અસહ્ય ઉકળાટનો અનુભવ થઇ રહ્યો છે.

આજે સવારથી વાદળછાંયુ વાતાવરણ છવાયેલું છે તો કોઇ-કોઇ વહેલી સવારના સમયે ઠંડકનો અનુભવ થાય છે.

જેમ-જેમ દિવસ પસાર થાય છે તેમ તેમ ગરમીની અસર વધવા લાગે છે અને જગ્યાએ ધુપ-છાંવ તો કોઇ જગ્યાએ તડકાવાળું વાતાવરણ છે.

જુનાગઢમાં સવારથી વાદળા, વરસાદી માહોલથી ચિંતાઃ કમોસમી વરસાદની સંભાવના

(વિનુ જોશી) જુનાગઢઃ જુનાગઢમાં સવારથી વાદળા છવાય ગયા હોય વરસાદી માહોલ જામ્યો છે કમોસમી વરસાદની સંભાવનાને લઇ ચિંતાના વાદળા ઘેરાયા છે.

આજે સતત બીજા દિવસે પણ જુનાગઢ સહિતનાં વિસ્તારોનાં વાતાવરણમાં પલ્ટો યથાવત રહ્યો છે સવારે પ્રારંભમાં આકશમાં એવા વાદળા છવાયા ગયા જેનાથી સૂર્યનારાયણના પણ દર્શન થયા ન હતા.

સવારે જુનાગઢનું લઘુતમ તાપમાન ર૬.૩ ડિગ્રી નોંધાયું હતું. વાતાવરણમાં ભેજનું પ્રમાણ ૬૬ ટકા અને પવનની પ્રતિ કલાકની ઝડપ ૩.ર કિ.મી. રહી હતી.

બદલાયેલા હવામાનને કારણે કમોસમી વરસાદની સંભાવના વધુ મજબુત બની છે. હાલ મગફળીનું કામ ચાલી રહ્યું છે તેથી મોટા ભાગનો મગફળીનો પાક ખુલ્લામાં ખેતરમાં પડયો હોય અને વરસાદની શકયતાથી ખેડુતો મુંઝવણમાં મુકાય ગયા છે.

(11:23 am IST)
  • અરબી સમુદ્રના ડીપ્રેશનને લીધે પ.ભારતના સાગરકાંઠે દે ધનાધન પડશે : આવતા ૪૮ કલાકમાં અરબી સમુદ્રનું લો પ્રેસર, ડીપ્રેશનમાં ફેરવાઇ જશે જેને લીધે પશ્ચિમ ભારતના સાગર કાંઠે મુખ્યત્વે રત્નાગીરીથી મેંગ્લોર બેલ્ટ વચ્ચે ભારે વરસાદની આગાહી થઇ છે. access_time 12:54 pm IST

  • મહારાષ્ટ્ર વિધાનસભા ચૂંટણી : પુણેના શિવાજી નગર પોલિંગ બૂથમાં અંધારા : વિદ્યુત પ્રવાહ ખોરવાઈ જતા મીણબત્તીના અજવાળે વોટિંગ access_time 12:41 pm IST

  • યોગ્ય વસ્ત્ર પરિધાન કરીને આવો : જીન્સ અને સ્લીવલેસ ટોપ પહેરી ડ્રાઈવિંગ ટેસ્ટ આપવા ગયેલી યુવતીને ચેન્નાઈના RTO ઓફિસરે પાછી મોકલી : સલવાર અને કમીઝ પહેરીને આવ્યા પછી જ ડ્રાઇવિંગ ટેસ્ટ લીધો : કાયદામાં ડ્રાઇવિંગ ટેસ્ટ માટે કોઈ ડ્રેસ કોડ નક્કી કરાયો ન હોવાનું મોટર એક્સીડંટ કેસ એડ્વોકેટનું મંતવ્ય access_time 12:41 pm IST