Gujarati News

રાજકોટ, તા. ૨૨ : ભકત નરસિંહ મહેતા યુનિવર્સિટી જૂનાગઢ દ્વારા યોજાયેલ આ કાર્યક્રમમાં ગુજરાતના મુખ્યમંત્રી શ્રી વિજયભાઈ રૂપાણી, રાજયના કેબીનેટ શિક્ષણમંત્રી ભુપેન્દ્રસિંહજી ચુડાસમા, રાજય કક્ષાના શિક્ષણમંત્રી વિભાવરીબેન દવે, શિક્ષણ ખાતાના અગ્રસચિવ અંજુબેન શર્મા સહિતના મહાનુભાવો વિદ્યાર્થીઓને અપાનારા આ ટેબ્લેટ વિતરણ સમારોહમાં હાજર રહેશે તેવુ જાણવા મળી રહ્યુ છે. અત્રે ઉલ્લેખનીય છે કે ભકતકવિ નરસિંહ મહેતા યુનિવર્સિટી જૂનાગઢના કુલપતિ શ્રી પ્રો. ડો.જે.પી. મૈયાણીના નેતૃત્વ હેઠળ ગયા વર્ષે પણ ૪ જીલ્લાની વિવિધ કોલેજોના આશરે ૧૩ હજાર જેટલા વિદ્યાર્થીઓને મુખ્યમંત્રી શ્રી વિજયભાઈ રૂપાણીના હસ્તે સફળતાપૂર્વક ટેબ્લેટ વિતરણ કરવામાં આવ્યુ હતું. સરકારશ્રી દ્વારા ટોકનદરે અપાનાર આ ટેબ્લેટ વિતરણનો કાર્યક્રમ તા.૨૭ ઓકટોબર ૨૦૧૮ના રોજ અક્ષર પુરૂષોત્તમ સ્વામીનારાયણ મંદિર, જૂનાગઢ ખાતે યોજવામાં આવનાર હોવાનું જાણવા મળે છે.