Gujarati News

જુનાગઢ તા.૨૨: જુનાગઢમાં રાત્રે છરી બતાવીને બે શખ્સો સોનીકામ કરતાં બંગાળી કારીગરપાસે રૂ. ૪૬ હજારની મત્તાની લુંટ ચલાવીને નાસી જતાં સનસનાટી મચી ગઇ હતી. આ બનાવની વિગતો એવી છે કે જુનાગઢમાં ઘાંસની કમાન પાસે રહેતા પં.બંગારળના વતની અને સોનીકામ કરતાં સિપાઇઅલી શેખ ઉર્ફે રાહુલ બતારઅલી (ઉ.વ.૩૦) નામનાં યુવાન સાથે રાત્રે આઠનાં અરસામાં ભુરો નામનાં શખ્સે અને એક અજાણ્યા ઇસમે બોલાચાલી કરી હતી.

બાદમાં બંને જણાએ છરી બતાવીને સિપાઇ અલી શેખ પાસેથી સોનાનો ચેન અને વિંટી મળી કુલ રૂ. ૪૬ હજારની મત્તાની લુંટ ચલાવી હતી.

લુંટ ચલાવી બંને શખ્સો નાસી ગયા હતા. આ અંગે બંગાળી યુવાને ફરિયાદ નોંધાવતા એ ડિવીઝન પોલીસે ધોરણસરની કાર્યવાહી કરી વિશેષ તપાસ હાથ ધરી છે.(૧.૧૧)